Darlledwraig, gwyddonydd a phennaeth cwmni yw Elin Rhys (ganed 23 Medi 1956, Sir Benfro), sydd fwyaf enwog efallai am gyflwyno'r rhaglen deledu i ddysgwyr Now You're Talking. Ar hyn o bryd hi yw Rheolwr Gyfarwyddwr y cwmni cynhyrchu annibynnol Teledu Telesgôp.

Elin Rhys
Ganwyd1956 Edit this on Wikidata
DinasyddiaethBaner Cymru Cymru
Galwedigaethcyflwynydd teledu Edit this on Wikidata
PriodRichard Rees Edit this on Wikidata
Elin Rhys

GyrfaGolygu

Graddiodd Elin Rhys o goleg Prifysgol Abertawe mewn Biocemeg yn 1978, a bu'n gweithio fel gwyddonydd yr amgylchfyd gyda Dŵr Cymru am bum mlynedd cyn dechrau gyrfa fel darlledwraig yn 1984 gan ymuno â HTV fel newyddiadurwraig ar raglenni gwyddonol.

Parhaodd i weithio gyda HTV am 5 mlynedd, yn paratoi eitemau gwyddoniaeth, iechyd ac amgylcheddol ar gyfer S4C a HTV. Yn 1990 aeth Elin ymlaen i weithio fel cyflwynydd llawrydd i adran addysg y BBC yn Llundain am ddwy flynedd. Yno, fe weithiodd ar nifer o gyfresi gwyddonol, gan gynnwys cyfres o ugain, Search Out Science.

Hefyd rhwng 1988 a 1993 cyflwynodd 5 cyfres o O Fan I Fan, sef cyfres gêm antur yn yr awyr agored; cyfres hwyl wyddonol i Channel 4 - The Nature Of Science; cyfres i’r BBC yn edrych ar addysg i oedolion - The Education Programme, a chyfres fyw tafod yn y boch yn edrych ar deledu o gwmpas y byd - Llygaid Sgwâr.

Gwnaeth Elin hefyd gyflwyno 72 o raglenni wedi eu haneli at ddysgwyr Cymraeg, Now You’re Talking. Ygrifennodd a chynhyrchodd 3 cyfres ar iechyd ag addysg rhyw i blant a gafodd ei ddarlledu ar BBC2 a S4C.

O’r 23 o gyfresi y bu’n gweithio arnynt, ar radio a theledu, i 5 darlledwr, (sef S4C, BBC2, BBC Cymru, HTV a Granada) - mae pob un ond 2 gyfres wedi bod yn wyddonol neu feddygol eu naws.

Yn 1993, aeth ati i sefydlu cwmni teledu annibynnol, Teledu Telesgôp, er mwyn medru canolbwyntio ar gynhyrchu rhaglenni dogfen yn benodol, rhaglenni gwyddoniaeth a rhaglenni gwledig. Mae pencadlys y cwmni bellach yn y Glannau, SA1, Abertawe.

Bywyd personolGolygu

Mae Elin yn briod â'r darlledwr Richard Rees, a mae ganddynt un ferch, Ffion.

   Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.