Enid a Lucy

Cyfres ddrama deledu yw Enid a Lucy a ysgrifennwyd gan Siwan Jones. Drama ddoniol a theimladwy am ddwy ffrind anghyffredin yw hon - Enid, cymydog parchus weddw ganol oed a Lucy, merch ifanc sydd am ddianc oddi wrth bartner treisgar.

Enid a Lucy
Genre	Drama
Gwlad/gwladwriaeth	Cymru
Iaith/ieithoedd	Cymraeg
Nifer cyfresi	2
Nifer penodau	8 (Rhestr Penodau)
Cynhyrchiad
Cynhyrchydd	Lona Llewelyn Davies
Amser rhedeg	48 munud
Darllediad
Sianel wreiddiol	S4C
Fformat llun	1080i (16:9 HDTV)
Darllediad gwreiddiol	10 Mawrth 2019 (2019-03-10) – 23 Ionawr 2022 (2022-01-23)
Dolenni allanol
Gwefan swyddogol

Cynhyrchiad

Fe'i ddarlledwyd yn y slot ddrama arferol am 21:00 ar nos Sul ar S4C. Cynhyrchwyd y gyfres gan gwmni Boom Cymru. Comisiwynwyd ail gyfres ar ddiwedd 2020 i'w ffilmio yn 2021. Cychwynnodd yr ail gyfres ar 2 Ionawr 2022.

Cymeriadau a chast

• Enid – Eiry Thomas
• Lucy – Mabli Jên Eustace
• Denfer – Steffan Cennydd
• Rhodri – Siôn Ifan
• Gwenllian – Heledd Gwynn
• Sid – Nicholas McGaughey
• Majewski – Krystian Godlewski
• Eirlys – Mair Rowlands
• Raymond – Ian Saynor
• Grace – Rhian Jones
• Marlene – Toni Caroll

Penodau

Cyfres 1

#	Teitl	Cyfarwyddwr	Awduron	Darlledwyd (S4C)	Gwylwyr (S4C)
1	"Pennod 1"	Rhys Powys	Siwan Jones	10 Mawrth 2019 (2019-03-10)	24,000
Mae trafferth yn dilyn Lucy lle bynnag mae'n mynd. Yn fam ifanc sy'n cael ei churo gan ei phartner Denfer, mae pob dydd yn sialens. Un diwrnod mae Lucy'n cael y cyfle i ddianc gyda'i babi ac mae'n gofyn am help ei chymydog - Enid yr athrawes biano barchus. Dyma daith fydd yn siwr o newid bywyd Enid a Lucy am byth.
2	"Pennod 2"	Rhys Powys	Siwan Jones	17 Mawrth 2019 (2019-03-17)	25,000
Ar ôl llwyddo i ddianc rhag Sid, Denfer a Majewski mae Enid a Lucy yn cuddio mewn gwesty yn Abertawe. Ond wrth fwynhau moethusrwydd y lle mae Lucy yn rhannu llun ohoni hi a babi Archie ar y cyfryngau cymdeithasol ac o fewn oriau mae fan wen Sid tu allan.
3	"Pennod 3"	Rhys Carter	Siwan Jones	24 Mawrth 2019 (2019-03-24)	<25,000
Gyda swn gwn yn atseinio yn eu clustiau mae Enid a Lucy yn eu heglu hi o ffarm Ed a Wil ar frys gwyllt. Er mwyn setlo'i nerfau mae rhaid i Enid stopio mewn tafarn. Cyn hir mae'r botel sherry yn wag a'r athrawes biano barchus yn cael noson i'w chofio!
4	"Pennod 4"	Rhys Carter	Siwan Jones	31 Mawrth 2019 (2019-03-31)	33,000
Mae Enid, Lucy ac Archie wedi cyrraedd Llundain a'r cwbwl sydd angen gwneud yw gwerthu'r cyffuriau a chael gwared y gwn. Mae Lucy'n sicr y bydd Dewi'n llwyddo i'w helpu a bydd ei breuddwyd o agor salon 'Lucy's Paradise' yn dod yn wir. Ond yn ddiarwybod iddyn nhw mae'r rhwyd yn gyflym gau amdanynt. Mae Sid, Denfer a Majewski'n gwylio'r ty ac aelodau'r drug cartel o Birmingham ar eu trywydd. Rhaid i Enid wneud pob dim yn ei gallu i amddiffyn ei ffrind ifanc, ond i ba raddau? A'i dyma ddiwedd y daith?

Cyfres 2

#	Teitl	Cyfarwyddwr	Awduron	Darlledwyd (S4C)	Gwylwyr (S4C)
1	"Pennod 1"	Rhys Powys	Siwan Jones	2 Ionawr 2022 (2022-01-02)	o dan 17,000
Mae taith y ddwy ffrind yn parhau yn yr ail gyfres gydag Enid, Lucy a babi Archie bellach yn byw o dan yr un to.
2	"Pennod 2"	Rhys Powys	Siwan Jones	9 Ionawr 2022 (2022-01-09)	o dan 15,000
Mae bywyd yn dipyn o her i Lucy o hyd. Mae'r awyrgylch yn y siop trin gwallt yn troi'n fygythiol, ac un digwyddiad erchyll yn datgelu cyfrinach dywyll.
3	"Pennod 3"	Rhys Carter	Siwan Jones	16 Ionawr 2022 (2022-01-16)	o dan 14,000
Mae ychydig o ramant annisgwyl ym mywyd Enid a Lucy erbyn hyn. Mae Brian yn gwahodd Enid am bryd o fwyd ac fe ddaw Dewi yn ôl i fywyd Lucy unwaith eto.
4	"Pennod 4"	Rhys Carter	Siwan Jones	23 Ionawr 2022 (2022-01-23)	o dan 11,000
Mae noson dial ar Dewi wedi cyrraedd. Er nad oes golwg o Sid mae Enid yn cario mlaen gyda'r cynllun, ac fe gaiff help o gyfeiriad annisgwyl iawn.

Dolenni allanol

• Enid a Lucy ar BBC iPlayer