Eiry Thomas
Actores o Gymru yw Eiry Thomas (ganwyd 11 Mai 1968).
| Eiry Thomas | |
|---|---|
| Ganwyd | 11 Mai 1968  Caerdydd |
| Dinasyddiaeth |  Cymru |
| Galwedigaeth | actor |
| Adnabyddus am | Con Passionate, The Indian Doctor |
| Priod | Iestyn Jones |
Bywgraffiad golygu
Cafodd ei geni yn Abertawe. Mae'n briod a'r actor a'r archeolegydd Iestyn Jones ac mae ganddynt ddau o blant, Gruffudd a Branwen.[1][2] Mynychodd Ysgol Gynradd Gymraeg Bryntaf ac Ysgol Gyfun Gymraeg Glantaf yng Nghaerdydd. Astudiodd Drama yng Ngholeg Rose Bruford yn Llundain.
Gyrfa golygu
Ar S4C, mae wedi ymddangos yng nghyfresi drama Con Passionate, Teulu, Lan a Lawr a Byw Celwydd. Enillodd wobr Actores Gorau gan BAFTA Cymru am ei rhan yn y ffilm Gymraeg Cwcw (2008). Yn 2010 chwaraeodd un o'r prif rannau yng nghyfres uchelgeisiol Pen Talar. Yn 2019, chwaraeodd rhan Enid yng nghyfres ddrama Enid a Lucy.
Yn Saesneg, mae wedi chwarae prif rannau yn The Indian Doctor, Belonging a The Bench a rhannau gwadd yn Eastenders, Torchwood a Stella. Yn 2003, enillodd wobr Actores Gorau gan BAFTA Cymru am ei rhan yn nrama BBC Cymru The Bench. Ym mis Mai 2021, ymddangosodd yn y gyfres ddrama The Pact ar BBC One, stori gyffro wedi ei leoli mewn bragdy yng Nghymru.[3]
Mae'n un o sylfaenwyr y cwmni Theatr Pena, sy'n creu cyfleoedd i fenywod yn y theatr ac yn cynhyrchu dramâu clasurol a modern.
Cyfeiriadau golygu
- ↑ Ps and Qs: Eiry Thomas , Wales Online, 23 Chwefror 2008.
- ↑ Eiry Thomas faced a "huge challenge" playing scriptwriter Jane Jones in S4C's award-winning drama, Cwcw. Western Mail (6 Mar 2010). Adalwyd ar 30 Ionawr 2016.
- ↑ Meet the cast of BBC One drama The Pact. Radio Times (17 Mai 2021).
Dolenni allanol golygu
- Eiry Thomas ar wefan yr Internet Movie Database
- Tudalen ar asiantaeth Emptage Hallett[dolen marw]
- Cyfrif Twitter
- Theatr Pena Archifwyd 2016-03-03 yn y Peiriant Wayback.