Ffederasiwn Pêl-droed Croasia
Yr The Hrvatski nogometni savez (HNS) (Cymraeg: Ffederasiwn Pêl-droed Croasia) yw cymdeithas bêl-droed genedlaethol Croasia. Dyma'r corff sy'n gyfrifol am weinyddu a hyrwyddo pêl-droed yn y wlad ac am y timau cenedlaethol. Mae'r pencadlys yn y brifddinas, Zagreb. Mae iddi hanes ddiddorol a chyn 1991, heblaw am gyfnod byr yn ystod yr Ail Ryfel Byd, chwaraeau ei dynion i dîm pêl-droed cenedlaethol Iwgoslafia. Yn 2009, roedd gan yr HNS 118,316 chwaraewr cofrestredig (650 ohonynt yn broffesiynnol) a chyfanswm o 1,732 o glybiau pêl-droed cofrestredig gan gynnwys clybiau futsal.[3]
| UEFA | |
|---|---|
[[File: |150px|Association crest]] | |
| Sefydlwyd | 13 Meh. 1912 |
| Aelod cywllt o FIFA | 16 Gorff. 1941 (fel Gwladwriaeth Annibynnol Croasia)[1] 3 July 1992 (as Croatia)[2] |
| Aelod cywllt o UEFA | 16 Meh. 1993 |
| Llywydd | Davor Šuker (2012–presennol) |
| Gwefan | www.hns-cff.hr |
Hanes golygu
Sefydlwyd Cymdeithas Bêl-droed Croasia yn 1912 on wedi'r Rhyfel Byd Cyntaf, llyncywd Tîm pêl-droed cenedlaethol Croatia gan dîm a ffederasiwn newydd y wladwriaeth newydd, Brenhiniaeth Iwgoslafia. Yn ystod yr Ail Ryfel Byd cafodd Croasia ei hannibyniaeth oddi ar Iwgoslafia (er i nifer weld hwn fel gwladwriaeth bwped i Natsiaidd) ac ar 14 Gorffennaf 1941 daeth yn aelod (am y tro cyntaf) o gorff llywodraethol pêl-drod fyd-eang, FIFA. Chwaerodd y tîm cenedlaethol 14 gêm ryngwladol yn y cyfnod yma, rhwng 1941-44.[2]
Wedi'r Ail Ryfel Byd a chwymp Natsiaeth, ail-sefydlwyd Iwgoslafia fel Gweriniaeth Ffederal Gomiwnyddol unedig, a collodd Croasia ei thîm genedlaethol. Aeth ei chwaraewyr i chwarae unwaith eto dros Iwgoslafia. Yn hyn o beth, mae hanes cymdeithas a thîm bêl-droed Croasia yn debyg i Slofacia. Roedd diwedd yr 1980au yn gyfnod cythryblus yn Iwgoslafia wrth i'r wladwriaeth ymrafael ac yn symptom o hyn oedd dadrithiad awdurdodau a ffans pêl-droed Croasia gyda gwladwriaeth Iwgoslafia.
Ar 17 Hydref 1990 chwarawyd gêm gyntaf tîm cenedlaethol Croasia yn ei ail-gyfnod. Roedd y gêm gyfeillgar yn erbyn yr UDA. Ar ddiwedd y tymor pêl-droed hwnnw, penderfynodd clybiau pêl-droed Croasia beidio chwarae mwyaf yng nghystadlaethau Iwgoslafia.
Wedi i Croasia cael ei chydnabod fel gwlad annibynnol ar 8 Hydref 1991, ymgeisiodd y Ffederasiwn am gydnabyddiaeth ryngwladol. Caethpwyd hyn gan FIFA ar 3 Gorffennaf 1992 a gan UEFA ar 17 Mehefin 1993.[2][3]
Cais Cynnal Cwpan Euro 2012 golygu
Gwnaeth Croasia gais ar y cyd gyda Ffederasiwn Pêl-droed Hwngari i gynnal pencampwriaeth Euro 2012. Ond mewn cyhoeddiad ar 18 Ebrill 2007 yng Nghaerdydd datganodd UEFA mai cais ar y cyd rhwng Gwlad Pŵyl ac Iwcrain oedd yn fuddugol.
Strwythur golygu
Yr HNS sy'n gyfrifol am gystadlaethau a strwythur pêl-droed yn y wlad. Ceir sawl cynghrair a sawl tîm genedlaethol.
Pêl-droed Dynion golygu
- 1. HNL (neu Prva HNL); Adran Gyntaf
- 2. HNL (neu Druga HNL); Ail Adran
- 3. HNL (neu Treća HNL); Trydydd Adran
- Cwpan Croasia
- Super Cup Croasia
Pêl-droed Ieuenctid golygu
1. HNL Academy; Cynghrair Gynraf i dimau'r academi gyda dau gategori oedran - dan-19 (Juniori) a dan-17 (Kadeti)
Pêl-droed Menywod golygu
- 1. HNLŽ (neu Prva HNL za žene); Adran Gyntaf Menywod
- Cwpan Menywod Croasia
Timau Cenedlaethol golygu
Mae'r Ffederasiwn yn trefnu timau cenedlaethol ar gyfer pob categori oedran:
Dynion golygu
- Tîm pêl-droed cenedlaethol Croatia - rheolwr cyfredol, Zlatko Dalić
- Yna, timau cenedlaethol dan-21; dan-20; dan-19; dan-17; dan-15
Menywod golygu
- Tîm pêl-droed cenedlaethol menywod Croatia - rheolwr cyfredol Božidar Miletić
Futsal golygu
Dolenni golygu
- Gwefan Swyddogol yr HNS (Croasieg a Saesneg)
- Croasia ar wefan UEFA
- Croasia Archifwyd 2018-06-30 yn y Peiriant Wayback. ar wefan FIFA
Cyfeiriadau golygu
- ↑ "History - Croatian Football Federation". hns-cff.hr. Cyrchwyd 12 February 2018.
- ↑ 2.0 2.1 2.2 "Goal Programme - Croatian Football Federation - 2006". FIFA.com. 20 January 2009. Archifwyd o'r gwreiddiol ar 2008-09-04. Cyrchwyd 26 April 2010.
- ↑ 3.0 3.1 "About the Croatian Football Federation - Facts and Figures". Croatian Football Federation. Cyrchwyd 26 April 2010.