Ffransis I, Ymerawdwr Glân Rhufeinig

Ymerawdwr Glân Rhufeinig

Uchelwr o Dŷ Hapsbwrg-Lorraine oedd Ffransis I (8 Rhagfyr 170818 Awst 1765) a fu'n Ymerawdwr Glân Rhufeinig o 1745 i 1765, yn Archddug Awstria o 1740 i 1765, yn Uchel Ddug Toscana o 1737 i 1765, ac yn Ddug Lorraine o 1729 i 1735.

Ffransis I, Ymerawdwr Glân Rhufeinig
Ganwyd8 Rhagfyr 1708 Edit this on Wikidata
Nancy Edit this on Wikidata
Bu farw18 Awst 1765 Edit this on Wikidata
Innsbruck Edit this on Wikidata
Dinasyddiaethyr Ymerodraeth Lân Rufeinig Edit this on Wikidata
Galwedigaethpendefig, casglu darnau arian, gwleidydd Edit this on Wikidata
SwyddYmerawdwr Glân Rhufeinig, Palatine of Hungary Edit this on Wikidata
TadLeopold Edit this on Wikidata
MamÉlisabeth Charlotte d'Orléans Edit this on Wikidata
PriodMaria Theresa Edit this on Wikidata
PlantLeopold II, Archduchess Maria Carolina of Austria, Archduke Maximilian Francis of Austria Edit this on Wikidata
LlinachHouse of Lorraine, Tŷ Hapsbwrg-Lorraine Edit this on Wikidata
Gwobr/auMarchog Urdd y Cnu Aur, Urdd y Cnu Aur, Order of Maria Theresa I Edit this on Wikidata
llofnod

Ganed yn Nancy, Dugiaeth Lorraine. Ym 1723 symudodd i lys Fienna ac yno priododd â Maria Theresa, merch yr Ymerawdwr Siarl VI, ar 12 Chwefror 1736. Yn ôl Cytundeb Fienna (1738), bu'n rhaid i Ffransis ildio Dugiaeth Lorraine i Stanisław Leszczyński, wedi iddo golli ei goron yn Rhyfel Olyniaeth Gwlad Pwyl (1733−35). Derbyniodd Ffransis Uchel Ddugiaeth Toscana yn iawndal, gan olynu Gian Gastone, yr un olaf o linach y Medici i ddwyn y teitl hwnnw.[1]

Yn sgil marwolaeth Siarl VI yn Hydref 1740, penodwyd Ffransis yn gyd-raglyw gan ei wraig. Er gwaethaf, gwrthwynebwyd hawl Maria Theresa i'r goron gan sawl ymhonnwr yn Rhyfel Olyniaeth Awstria (1740–8). Wedi marwolaeth Siarl VII, etholwyd Ffransis yn Ymerawdwr Glân Rhufeinig ar 13 Medi 1745. Bu farw yn Innsbruck yn 56 oed, a fe'i olynwyd yn Ymerawdwr Glân Rhufeinig gan ei fab Joseff II.[1]

Cyfeiriadau golygu

  1. 1.0 1.1 (Saesneg) Francis I (Holy Roman emperor). Encyclopædia Britannica. Adalwyd ar 2 Mai 2020.
Rhagflaenydd:
Siarl VII
Ymerawdwr Glân Rhufeinig
17451765
Olynydd:
Joseff II