Gardd Bodnant

Gardd ger Tal-y-cafn ym mwrdeistref sirol Conwy yw Gardd Bodnant. Mae'n eiddo i'r Ymddiriedolaeth Genedlaethol ac ar agor i'r cyhoedd, gan ddenu ymwelwyr niferus.

Gardd Bodnant

Math	arboretwm
Daearyddiaeth
Sir	Conwy
Gwlad	Cymru
Cyfesurynnau	53.2342°N 3.8006°W
Ffeiliau perthnasol ar Comin

Mae'r ardd yn cynnwys dros 80 erw o gwmpas Tŷ Bodnant. Gosodwyd y rhan fwyaf ohoni gan Henry Davis Pochin, cemegydd diwydiannol llwyddiannus, o 1874 hyd ei farw yn 1895. Codwyd Tŷ Bodnant yn 1792 ond cafodd ei ailadeiladu'n sylweddol iawn gan Pochin. Pan fu farw daeth yn eiddo i'w ferch, Laura Elizabeth priod Farwn cyntaf Aberconwy ('Barwn Aberconway') yn 1911. Rhoddwyd yr ardd, ond nid y tŷ a rhannau eraill o'r ystâd, i'r Ymddiriedolaeth Genedlaethol yn 1949.

Cyfres o erddi yn hytrach nag un ardd fel y cyfryw yw Gardd Bodnant. Mae'n cynnwys gerddi ffurfiol wedi'u ffinio gyda gwrychoedd bocs, pyllau addurnol a borderi ffurfiol o flodau, bwa tresi aur a sawl gardd rhosynau. Mae Bodnant yn adnabyddus ym myd garddio am ei rhaglen tyfu planhigion prin, yn enwedig rhywogaethau o'r rhododendron ac azaleas. Ceir casgliadau nodedig o magnolia, camellia, clematis a hydrangea hefyd.

Dolenni allanol

• Gardd Bodnant ar wefan yr Ymddiriedolaeth Genedlaethol
• Gardd Bodnant ar wefan Ymweld â Llandudno

Oriel

• 
  Y Bwa Tresi Aur
• 
  llyn
• 
  blodau
• 
  Yr hen felin
• 
  Y Pafiliwn
• 
  Y Gerdd
• 
  lilis y dŵr
• 
  Cerflun Bright-McLaren

Eginyn erthygl sydd uchod am fwrdeistref sirol Conwy. Gallwch helpu Wicipedia drwy ychwanegu ato.