Garry Owen

Newyddiadurwr a darlledwr o Gymro

Newyddiadurwr a chyflwynydd teledu a radio Cymreig yw Garry Owen (ganwyd 4 Mai 1958). Rhwng 2012 a 2019 bu'n cyflwyno y rhaglen ddyddiol Taro'r Post ar BBC Radio Cymru a chyn hynny roedd yn cyflwyno Post Cyntaf ar yr orsaf.

Garry Owen
Ganwyd David Garry Owen Edit this on Wikidata
4 Mai 1958 Edit this on Wikidata
Abertawe Edit this on Wikidata
Dinasyddiaeth Baner Cymru Cymru
Alma mater
Galwedigaeth newyddiadurwr darlledu, cyflwynydd newyddion, cyflwynydd radio Edit this on Wikidata
Cyflogwr

Bu'n brif angor ar rhaglen Newyddion ar S4C a mae'n cyflwyno bwletinau newyddion teledu ar BBC Cymru yn achlysurol.

Bywyd cynnar ac addysgGolygu

Ganwyd a magwyd David Garry Owen ym Mhontarddulais, mynychodd Ysgol Pontarddulais ac Ysgol Gyfun Ystalyfera, ac aeth ymlaen i astudio'r Gyfraith ym Mhrifysgol Aberystwyth. Wedi graddio, symudodd i Lanelli i weithio gyda chwmni o gyfreithwyr lle cyfarfu a'i darpar wraig. Erbyn hyn mae'n byw yn yr Hendy.[1]

GyrfaGolygu

Gweithiodd fel cyflwynydd opera a newyddion ar radio Sain Abertawe am wyth mlynedd. Ymunodd â BBC Radio Cymru fel gohebydd yn Abertawe.[1]

Owen oedd cyflwynydd yr apêl elusenol cyntaf i gael ei ddarlledu yn y Gymraeg ar y teledu, pan gyflwynodd apêl argyfwng Darfur a Chad ym mis Mai 2007.[2]

Daeth rhaglen Taro'r Post i ben yn mis Hydref 2019, wedi ei ddisodli gan rhaglen newydd Dros Ginio.[3] Yn mis Tachwedd 2019 cafodd Garry swydd newydd fel 'gohebydd arbennig' Radio Cymru yn teithio o gwmpas gwledydd Prydain i ohebu a thrafod pynciau'r dydd.[4]

Bywyd personolGolygu

Mae'n byw yn yr Hendy ac yn briod gyda Lee sy'n gyfreithwraig. Mae ganddyn nhw ddau o blant.[1] Cafodd Owen ei urddo i wisg wen gorsedd Eisteddfod Genedlaethol Cymru Tyddewi 2002.[5]

CyfeiriadauGolygu

  1. 1.0 1.1 1.2  Cyflwynwyr: Garry Owen. BBC Radio Cymru.
  2.  Apêl argyfwng Darfur a Chad. S4C (24 Mai 2007).
  3. Rhaglen Taro’r Post – gyda Garry Owen – yn dod i ben , Golwg360, 11 Medi 2019. Cyrchwyd ar 24 Ionawr 2020.
  4. Her newydd i Garry mewn cyfnod cyffrous yn wleidyddol , BBC Cymru Fyw, 8 Tachwedd 2019. Cyrchwyd ar 24 Ionawr 2020.
  5.  Yr Orsedd i urddo Archesgob Cymru. BBC (26 Mehefin 2002).