George Augustus Frederick Paget

George Augustus Frederick Paget
George Augustus Frederick Paget
	Yr Arglwydd George Paget gan "Spy" yn Vanity Fair 13 Hyd 1877
Ganwyd	16 Mawrth 1818
Bu farw	30 Mehefin 1880
Dinasyddiaeth	Teyrnas Unedig Prydain Fawr ac Iwerddon
Alma mater	Ysgol Westminster ;
Galwedigaeth	gwleidydd
Swydd	Aelod o 16eg Senedd y Deyrnas Unedig, Aelod o 15fed Senedd y Deyrnas Unedig
Tad	Henry William Paget
Mam	Charlotte Paget
Priod	Agnes Charlotte Paget, Louisa Heneage
Plant	Cecil Stratford Paget, Charles Paget
Gwobr/au	Marchog Cadlywydd Urdd y Baddon

Roedd y Cadfridog yr Arglwydd George Augustus Frederick Paget KCB (16 Mawrth 1818 - 30 Mehefin 1880), yn filwr Prydeinig yn ystod Rhyfel y Crimea a chymerodd ran yng nghyrch enwog The Charge of the Light Brigade^[1]

Cefndir

Roedd George yn fab ieuengaf Henry William Paget, Ardalydd 1af Môn gan ei ail wraig y Fonesig Charlotte, merch Charles Cadogan, Iarll 1af Cadogan.

Gyrfa filwrol

Paget yn y Crimea

Gwasanaethodd Paget yn Rhyfel y Crimea gan ymladd ym mrwydrau Alma a Balaclava. Mae'n cael ei ddyfynnu yn aml am ei gyfeiriad at sïon parhaus bod ymosodiadau gan Rwsia ar Benrhyn y Crimea ar fin digwydd: Mae pob ffŵl yn y canolfannau allanol, sydd yn ffansïo ei fod wedi clywed rhywbeth, dim ond yn gorfod gwneud ffws, ac yno yr ydym i gyd yn Gadfridogion a phawb ... Wel mae'n debyg bod 500 o alwadau ffug yn well nag un syndod. A hynny toc cyn i'r Rwsiaid ymosod ar eu gwersyll. Mae o hefyd yn enwog am fynd ar gyrch y Light Brigade wrth ysmygu cheroot (math o sigâr fach oedd yn cael ei ffafrio gan filwyr a wasanaethodd yn yr India).^[2]

Aelod Seneddol

Ar wahân i'w yrfa filwrol bu Paget yn cynrychioli etholaeth Biwmares fel Aelod Seneddol rhwng 1847 a 1857. Fe'i gwnaed yn Farchog Cadlywydd Urdd y Baddon (KCB) ym 1870.

Priodasau

Priod cyntaf Paget oedd ei gyfnither Agnes Charlotte, merch Syr Arthur Paget, bu iddynt briodi ym 1854. Bu iddynt ddau fab. Ar ôl ei marwolaeth hi ym mis Mawrth 1858, chwe diwrnod ar ôl genedigaeth eu plentyn ieuengaf. Ei ail briod oedd Louisa Elizabeth, merch Charles Fieschi Heneage, bu iddynt briodi ym 1861. Bu farw Paget ym mis Mehefin 1880 yn 62 mlwydd oed.

Cyfeiriadau

↑ http://www.victorianweb.org/history/crimea/paget.html adalwyd 27 Rhagfyr 2014
↑ THE LATE LORD GEORGE PAGET. Aberystwyth Observer — 10 Gorffennaf 1880 Papurau Cymru arlein [1] adalwyd 27 Rhag 2014

Senedd y Deyrnas Unedig
Rhagflaenydd: Frederick Paget	Aelod Seneddol dros Biwmares 1847 – 1857	Olynydd: William Owen Stanley

[1] ttp://www.victorianweb.org/history/crimea/paget.html adalwyd 27 Rhagfyr 2014

[2] THE LATE LORD GEORGE PAGET. Aberystwyth Observer — 10 Gorffennaf 1880 Papurau Cymru arlein [1] adalwyd 27 Rhag 2014

[1]

[2]