George Tyler

gwleidydd, swyddog yn y llynges (1792-1862)

Roedd Syr George Tyler KH, (28 Rhagfyr 1792 - 4 Mehefin 1862) yn swyddog yn Llynges Frenhinol Prydain, yn llywodraethwr trefedigaethol ac yn Aelod Seneddol Ceidwadol dros etholaeth Sir Forgannwg.[1]

George Tyler
Ganwyd28 Rhagfyr 1792 Edit this on Wikidata
Bu farw4 Mehefin 1862 Edit this on Wikidata
DinasyddiaethBaner Cymru Cymru
Alma mater
  • Royal Naval Academy Edit this on Wikidata
Galwedigaethgwleidydd, swyddog yn y llynges Edit this on Wikidata
SwyddAelod o 16eg Senedd y Deyrnas Unedig, Aelod o 15fed Senedd y Deyrnas Unedig Edit this on Wikidata
Plaid Wleidyddoly Blaid Geidwadol Edit this on Wikidata
TadCharles Tyler Edit this on Wikidata
MamMargaret Leach Edit this on Wikidata
PriodHarriet Sullivan Edit this on Wikidata
PlantLouisa Tyler, Augustus Tyler, Harriet Tyler, Anne Maria Tyler, George Henry Tyler, Charles Frederick Tyler, Gwinnett Tyler, Edward Octavious Tyler, Alfred Tyler, John Hobart Tyler, St. Vincent Tyler, Caroline Tyler Edit this on Wikidata

Bywyd Personol golygu

Ganwyd Tyler ym Mhenfro yn fab hynaf y Llyngesydd Charles Tyler.

Cafodd ei addysgu yng Ngholeg y Llynges Frenhinol Portsmouth.

Priododd, ar 21 Medi 1819, Harriet Margaret, merch y Gwir Anrh. John Sullivan, a'r Ledi Harriet, merch George, trydydd iarll Swydd Buckingham; bu iddynt saith mab a phedair merch. Roedd eu merch, Caroline, yn fam i Windham Henry Wyndham-Quin, AS De Morgannwg 1895 - 1906.[2]

Gyrfa golygu

Wedi cyfnod o dair blynedd o hyfforddiant yng Ngholeg y llynges daeth Tyler yn aelod llawn o'r llynges ym 1809. Ym 1811 bu'n ymladd yn erbyn y llynges Ffrengig ym Mae Kiberen oddi ar arfordir Llydaw pan gollodd ei fraich dde, derbyniodd pensiwn gan y llywodraeth o £200 y flwyddyn am yr anaf, ond parhaodd ei yrfa yn y llynges[3]. Gwasanaethodd fel Rhaglaw'r Lluman ar long ei dad oddi ar arfordir Penrhyn Gobaith Da, De'r Affrig cyn cael ei godi'n Comander ym 1815 ac yn Gapten ym 1822. Rhwng 1833 a 1840 gwasanaethodd fel rhaglaw lywodraethwr Ynys St Vincent. Daeth yn llyngesydd wrth gefn ym 1852, ac yn is-lyngesydd ym 1857.

Gyrfa Wleidyddol golygu

Pan ddyrchafwyd Edwin Wyndham-Quin i Dŷ'r Arglwyddi ym 1851 etholwyd Tyler yn ddiwrthwynebiad i'w olynu fel yr Aelod Seneddol Ceidwadol. Cadwodd ei sedd yn ddiwrthwynebiad yn etholiad 1852 ac ymneilltuodd o'r Senedd ar adeg etholiad 1857.[4]

Anrhydeddau golygu

Penodwyd Tylor yn Farchog yn yr Urdd Guelphic ym 1833 a'i urddo'n Farchog ym 1838 fel cydnabyddiaeth am ei wasanaeth wrth drefnu rhyddfreinio caethion St Vincents.

Marwolaeth golygu

Bu farw yng Nghastell Dwnrhefn, cartref y teulu Wyndham-Quin yn 69 mlwydd oed.

Cyfeiriadau golygu

  1. J. K. Laughton, ‘Tyler, Sir Charles (1760–1835)’, Rev. Andrew Lambert, Oxford Dictionary of National Biography, Oxford University Press, 2004; online edn, Jan 2008 adalwyd 22 Ion 2017]
  2. "MAJORWYNDHAMQUINMPBEREAVED - Evening Express". Walter Alfred Pearce. 1898-10-22. Cyrchwyd 2017-01-23.
  3. "8LOCALlWTJfiLLItrxfiJNUllj - The Pembrokeshire Herald and General Advertiser". Joseph Potter. 1862-06-13. Cyrchwyd 2017-01-23.
  4. Williams, William Retlaw The parliamentary history of the principality of Wales, from the earliesr times to the present day, 1541-1895
Senedd y Deyrnas Unedig
Rhagflaenydd:
Edwin Wyndham-Quin
Aelod Seneddol Sir Forgannwg
18511857
Olynydd:
Henry Hussey Vivian