Gwacamoli (band)

Band pop Cymraeg o'r 1990au hwyr hyd at y flwyddyn 2000 oedd Gwacamoli. Galwyd y grŵp yn Gwacs gan ei dilynwyr. Roedd sain gitâr trydan cyflym a chryf yn nodweddu eu miwsig.

Gwacamoli

Enghraifft o'r canlynol	band
Daeth i ben	2000
Dechrau/Sefydlu	1996
Genre	cerddoriaeth roc, Pop Cymraeg

Roedd y band o ardal Bangor a'r brif leisydd oedd Gethin Thomas. Bu iddynt ryddhau CD 'Topsy Turvy', ac EP 'Clockwork'. Roeddynt yn canu yn y Gymraeg a'r Saesneg ac, efallai eu trac fwyaf enwog oedd Plastig Ffantastig a ryddhawyd ar CD Amlgyfrannog rhaglen 'Ram Jam' ar BBC Radio Cymru yn 1997. Rheolwyd y grŵp gan Rhys Mwyn.

Mae enw'r band yn sillafiad yn yr orgraff Gymraeg o'r pryd bwyd ysgafn o Fecsico, guacamole.

Aelodau

Roedd aelodau'r grŵp fel a ganlyn. Bu i Gethin Tomoas ymuno â'r band, Diablo Rojo wedi i Gwacamoli ddod i ben.

Gethin Tomos (hefyd Thomas) - prif leisydd

Dyfed Roberts - gitâr

Dylan Thomas - gitâr fâs

Siôn Llwyd - allweddellau

Deian Elfryn - drymiau

Gareth Huws - drymiwr achlysurol (gynt o'r grŵp Tynal Tywyll)

Disgograffi

Cyhoeddodd y grŵp dau EP a chyfannu hefyd i CDs amlgyfrannog.

• Topsy Turvy EP ar Label Crai (is-label i Recordiau Sain, CRAI CD068 (2000)
• Clockwork - recordiwyd yn stiwtio'r grŵp Melys ar Label Topsy, TCD-001 (2001)

CDs Amlgyfrannog

Cynhwyswyd rhai o ganeuon y band ar CDs amlgyfrannog gan gynnwys Mary Jane oedd oddi ar eu EP, 'Topsy Turvy'.

• Ram Jam Sadwrn 2 - CD amlgyfrannog rhaglen Ram Jam Sadwrn 2 gan BBC Radio Cymru - trac Plastig Ffantastig
• Ram Jam Sadwrn 3 - CD amlgyfrannog rhaglen Ram Jam ar BBC Radio Cymru - trac Siôn a Sian ar Ram Jam 3 (1998)
• Y Dderwen Bop - CD amgyfrannog gan Recordiau Sain - traciau Asbestoc Tescos a Chwarae Gitâr mewn band rock and roll (1998)
• 'Rhosyn Rhwng fy Nannedd - CD amlgyfrannog gan Recordiau Sain - trac Mary Jane (2006)

Gweler hefyd

• Sîn Roc Gymraeg

Dolenni allanol

• Gwacamoli tudalen Facebook y band yn cynnwys hel luniau ac atgofion
• Gwacamoli disgograffi ar wefan Apple Music