Gyriant pedair olwyn

Math o system gyriant i gerbydau yw gyriant pedair olwyn, 4×4 ("pedair wrth bedair"), a 4WD ble mae pob un o'r pedair olwyn yn cael eu pweru. Gall y gyriant fod yn barhaol neu yn ôl yr angen; weithiau mae'r pwer yn troi'r ddwy echel yn hytrach na'r olwynion a gelwir y math hwn yn "all-wheel drive" (AWD). Ond mae "gyriant pedair olwyn" yn cyfeirio at gydrannau arbennig a phwrpas y cerbyd (offroader yn aml).

4x4 cynnar gan y cwmni Rwsiaidd GAZ; 1938

Ferrari FF (4x4); 2011–2016

Ceir cludo teithwyr; gyriant 4-olwyn.

Datblygwyd systemau 4×4/4WD/AWD mewn gwledydd gwahanol ar gyfer cerbydau gwahanol ac nid oes un safon rhyngwladol nag un diffiniad absoliwt o'r gair.^[1] Mae'r amrywiaethau felly o'r defnydd a roddir i'r term, yn cael ei lywio gan y farchnad - y prynnwr potensial - yn hytrach na pheirianneg a thechnoleg.^[2]^[3]

Willys MB (neu'r 'Jeep'); 1941

Range Rover Evoque SD4 4WD Prestige; 2011

Offroaders gyriant 4-olwyn.

Yn ogystal â gyriant 4-olwyn, ceir gyriant dwy olwyn; y dewis yma yw: 'gyriant blaen' neu 'gyriant ôl'. Wrth i geir trydan ddatblygu, yn enwedig rhai 'Llwyr Drydan' (EV) ceir system gyrru pob olwyn yn annibynnol o'i gilydd, gyda modur ar bob olwyn yn hytrach nag un injan mawr.

Hanes

Yn 1893, rhoddodd y peiriannydd Bramah Joseph Diplock batent ar system gyriant-pedair-olwyn ar gyfer injan tracsiwn. Roedd ei system olwynion wedi ei chreu'n unswydd ar gyfer wyneb garw offroad.

Yn 1900 arddangoswyd car 4x4 trydan, gyda phob un o'r olwynion yn cael eu troi gan fodur trydan; cynllunydd y car oedd Ferdinand Porsche. Prynnwyd y car gan E.W. Hart ac roedd ei allu i gyflymu'n arbennig o gry, a thorwyd sawl record. Galwyd y math hwn yn Lohner-Porsche.

Rhai cerbydau offroaders

Blwyddyn	Cynhyrchwyd	Model/Cyfres	Màs	Milwrol
1941	GAZ	GAZ-64		x
1941	Willys-Overland	Willys MA/MB		x
1941	Volkswagen	Typ 128 Schwimmwagen		x
1945	Willys	CJ-2A	x
1946	Dodge	Power Wagon		x
1947	Jeep	Willys truck	x
1948	Ford	F-series	x
1948	Rover	Land Rover	x
1951	Alfa Romeo	Alfa Romeo Matta		x
1951	Austin Motor Company	Austin Champ		x
1951	Fiat	Fiat Campagnola		x
1951	Nissan	Nissan Patrol	x
1954	Toyota	Land Cruiser	x
1956	Auto Union	DKW Munga		x
1963	Kaiser Jeep	Wagoneer (SJ)	x
1968	Suzuki	Lj10	x
1970	British Leyland	Range Rover	x
1972	UAZ	UAZ-469		x
1976	Lada	Lada Niva	x
1979	Mercedes-Benz	G-Class	x
1982	Mitsubishi	Pajero	x

Cyfeiriadau

↑ Mohan, Sankar (12 Mehefin 2000). "All - Wheel Drive / Four - Wheel Drive Systems and Strategies". Seoul 2000 FISITA World Automotive Congres. http://210.101.116.115/fisita/pdf/A014.pdf. Adalwyd 2016-12-29.
↑ Andreev, Alexandr F.; Kabanau, Viachaslau; Vantsevich, Vladimir (2010). Driveline Systems of Ground Vehicles: Theory and Design. CRC Press. t. 34.
↑ Dykes, Alex. "Alphabet Soup: 4×4 vs 4WD vs AWD Where's the Differential?". thetruthaboutcars.com. Cyrchwyd 18 Rhagfyr 2015.^{[dolen farw]}

[Mohan-1] Mohan, Sankar (12 Mehefin 2000). "All - Wheel Drive / Four - Wheel Drive Systems and Strategies". Seoul 2000 FISITA World Automotive Congres. http://210.101.116.115/fisita/pdf/A014.pdf. Adalwyd 2016-12-29.

[Andreev-2] Andreev, Alexandr F.; Kabanau, Viachaslau; Vantsevich, Vladimir (2010). Driveline Systems of Ground Vehicles: Theory and Design. CRC Press. t. 34.

[TTAC-3] Dykes, Alex. "Alphabet Soup: 4×4 vs 4WD vs AWD Where's the Differential?". thetruthaboutcars.com. Cyrchwyd 18 Rhagfyr 2015.^{[dolen farw]}

[1]

[2]

[3]