Haloperidol

Mae Haloperidol yn feddyginiaeth nodweddiadol wrth seicotig. Mae'n feddyginiaeth sydd ar gael trwy ragnodyn meddyg yn unig yn y DU. Mae ar gael fel meddyginiaeth generig neu o dan yr enwau brand Dozic, Haldol a Serenace . Mae'r feddyginiaeth ar Restr Meddyginiaethau Hanfodol Sefydliad Iechyd y Byd, sef cofnod o'r meddyginiaethau mwyaf effeithiol a diogel sydd eu hangen mewn system iechyd.

Haloperidol

Enghraifft o'r canlynol	math o endid cemegol
Math	alcohol, heterocyclic compound
Màs	375.140135 uned Dalton
Fformiwla gemegol	C₂₁h₂₃clfno₂
Enw WHO	Haloperidol
Clefydau i'w trin	Schizophreniform disorder, syndrom gilles de la tourette, chwydu, sgitsoffrenia, anhwylder seicotig, schizoaffective disorder, afiechyd meddwl, gordyndra
Beichiogrwydd	Categori beichiogrwydd awstralia c, categori beichiogrwydd unol daleithiau america c
Rhan o	response to haloperidol, cellular response to haloperidol
Yn cynnwys	nitrogen, ocsigen, fflworin, carbon, clorin
Ffeiliau perthnasol ar Gomin Wicimedia

Defnydd meddygol

Defnyddir Haloperidol wrth reoli symptomau:

• Seicosis llym, fel y seicosis a achosir gan gyffuriau megis LSD, psilocybin, amphetaminau, cetetamin, a phencyclidine, a seicosis sy'n gysylltiedig â thwymyn uchel neu glefyd metabolig
• I drin effeithiau rhoi'r gorau i alcohol neu opioid
• Cynnwrf a dryswch sy'n gysylltiedig â sglerosis yr ymennydd
• Seicosis a achosir gan alcohol
• Rhithweledigaethau o ganlyniad i roi'r gorau i alcohol.
• Deliriwm gorfywiog (i reoli elfen aflonyddu'r deliriwm)
• Gorfywiogrwydd ymosodol
• Anhwylderau ymddygiad difrifol mewn plant a phobl ifanc, pan na fo modd arall o'u trin
• Sgitsoffrenia
• Treial therapiwtig mewn anhwylderau personoliaeth, megis anhwylder personoliaeth ffiniol
• I drin achosion difrifol o'r ig
• Trin anhwylderau niwrolegol, megis anhwylderau tic mewn cyflyrau megis syndrom Tourette, a corea
• Trin teimladau o gyfogrwydd a chwydu difrifol mewn gofal ôl llawdriniaeth a gofal lliniarol, yn enwedig ar gyfer atal effeithiau andwyol ymbelydredd a chemotherapi mewn oncoleg

Sgil effeithiau

Mae sgil effeithiau haloperidol yn cynnwys:

• syrthni / cysgadrwydd
• camweithrediad rhywiol (ee clefyd Priapus)
• clefyd Parkinson
• dystonia (gwewyr parhaus a chyfyngiadau cyhyrau)
• trafferthion anadlu
• y dwymyn
• dryswch

beichiogrwydd a bwydo ar y fron

Gall effeithio ar y baban yn y groth o'i ddefnyddio tra'n feichiog. Mae'r cyffur yn pasio i mewn i laeth y fron ac fe all effeithio ar y baban sy'n fwydo.

Gyrru

Dylai claf osgoi gyrru a gweithio efo peirannau neu mewn sefyllfaoedd peryglus hyd wybod sut effaith bydd y cyffur yn cael arno. Mae haloperidol yn gallu achosi syrthni ac arafu ymatebion.

Alcohol

Dylai claf osgoi alcohol wrth gymryd haloperidol. Gall alcohol cynyddu effaith tawelydd y cyffur.

Dos

Mae haloperidol ar gael fel tabled, capsiwl, hylif, pigiad a phigiad tymor hir . Bydd y dos rhwng 3 mg i 10 mg i gychwyn wrth drin salwch meddwl gan godi i uchafswm o 30 mg y diwrnod. Bydd y claf yn teimlo effaith y cyffur ar ôl 2 i 3 awr o dderbyn y cyffur trwy'r llwnc ac o fewn llai na hanner awr o'i dderbyn trwy bigiad. Bydd effeithiau'r cyffur yn para rhwng 6 a 24 awr o'u llyncu, 2-4 awr o bigiad a hyd at 4 wythnos wedi pigiad tymor hir.

Cyfeiriadau

Cyngor meddygol

Sgrifennir tudalennau Wicipedia ar bwnc iechyd er mwyn rhoi gwybodaeth sylfaenol, ond allen nhw ddim rhoi'r manylion sydd gan arbenigwyr i chi. Mae llawer o bobl yn cyfrannu gwybodaeth i Wicipedia. Er bod y mwyafrif ohonynt yn ceisio osgoi gwallau, nid ydynt i gyd yn arbenigwyr ac felly mae'n bosib bod peth o'r wybodaeth a gynhwysir ar y ddalen hon yn anghyflawn neu'n anghywir. Am wybodaeth lawn neu driniaeth ar gyfer afiechyd, cysylltwch â'ch meddyg neu ag arbenigwr cymwys arall!