Is-etholiad Clacton, 2014

Cynhaliwyd Is-etholiad Clacton, 2014 ar ddydd Iau y 9 Hydref 2014, er mwyn ethol Aelod Seneddol i Dŷ'r Cyffredin dros etholaeth Clacton yn Essex, Lloegr. Galwyd yr etholiad gan i'r Aelod a oedd yn cynrychioli'r etholaeth (sef Douglas Carswell), newid ei aelodaeth o'r Blaid Geidwadol i'r UK Independence Party (UKIP) ac ymddiswyddo fel Aelod Seneddol. Golygai hyn fod y sedd yn wag ac ail-safodd am ei sedd ei hun, a'i chipio.

Douglas Carswell

Is-etholiad Clacton, 2014

9 Hydref 2014

Ymgeisydd Douglas Carswell Giles Watling Tim Young Plaid UKIP Plaid Geidwadol (DU) Y Blaid Lafur (DU) Pleidlais boblogaidd 21,113 8,709 3,957 Canran 59.7 24.6 11.2

Map yn dangos Etholaeth Clacton o fewn Essex.

AS cyn yr etholiad Douglas Carswell Y Blaid Geidwadol (DU) Etholwyd AS Douglas Carswell UKIP

Is-etholiad 2014: Clacton
Plaid		Ymgeisydd	Pleidleisiau	%	±%
	UKIP	Douglas Carswell	21,113	59.7	N/A
	Ceidwadwyr	Giles Watling	8,709	24.6	-28.4
	Llafur	Tim Young	3,957	11.2	-13.8
	Y Blaid Werdd	Chris Southall	688	1.9	+0.7
	Democratiaid Rhyddfrydol	Andrew Graham	483	1.4	-11.5
	Annibynnol	Bruce Sizer	205	0.6	N/A
	Monster Raving Loony	Alan "Howling Laud" Hope	127	0.4	N/A
	Annibynnol	Charlotte Rose	56	0.2	N/A
Mwyafrif			12,404	35.1
Nifer pleidleiswyr			35,338	51
	UKIP yn disodli Ceidwadwyr		Gogwydd	+44.1

Cadwodd Carswell ei sedd a chlensiodd 59.7% o'r bleidlais, gan ddod yn Aelod Seneddol - y sedd gyntaf i UKIP ei hennill, er iddi gipio seddau yn etholiadau Ewrop cyn hynny. Y Ceidwadwyr a ddaeth yn ail yn y ras a'r Blaid Lafur ddaeth yn drydydd. Yn ôl John Curtice, athro ym Mhrifysgol Ystrad Clud, dyma'r canlyniad uchaf erioed yn hanes etholiadau o fewn y DU o ran cynnydd yn nifer y bleidlais i unrhyw blaid.

Torrwyd sawl record yn yr is-etholiad hwn, yn rhannol oherwydd y sefyllfa anarferol lle caed Aelod Seneddol gyda mwyafrif mawr yn ymgeisio'n llwyddiannus am ei swydd ei hun dan faner plaid arall; roedd hyn yn sefyllfa anarferol iawn. Yn ychwanegol at hyn, roedd y blaid a gipiodd y sedd wedi gweld twf eithriadol mewn poblogrwydd cyn ac yn ystod yr etholiad, ac roedd y duedd tuag at UKIP. Yn drydydd, fel sy'n digwydd yn y rhan fwyaf o is-etholiadau, cafwyd pleidlais o brotest yn erbyn y blaid sydd mewn llywodraeth h.y. y Ceidwadwyr.

Roedd y gogwydd hefyd yn uchel, ond yn 0.1% yn llai na'r record o 44.2% a welwyd yn Is-etholiad Bermondsey yn 1983, tuag at y Democratiaid Rhyddfrydol. Gwelwyd lleihad o ran pleidlais y Ceidwadwyr o 28.4% - yr 16ed gwaethaf i unrhyw blaid ers yr Ail Ryfel Byd. Dim ond 1.4% o'r bleidlais a gafodd y Democratiaid Rhyddfrydol, a dyma'r bleidlais isaf erioed i unrhyw blaid gydnabyddiedig (neu Brydain gyfan) ers y rhyfel.