Jessie Murray

Ffeminist o Loegr oedd Jessie Murray (9 Chwefror 1867 - 25 Medi 1920) sy'n cael ei hystyried yn nodigedig am ei gwaith fel seicdreiddiwr a swffragét.

Jessie Murray
Ganwyd	9 Chwefror 1867  Hazaribagh
Bu farw	25 Medi 1920  Twickenham
Dinasyddiaeth	Lloegr
Alma mater	Prifysgol Durham Coleg Prifysgol Llundain
Galwedigaeth	meddyg, swffragét, seicdreiddydd

Y Diwrnod Du; 1910. Ada Wright (o bosib) yn cael ei churo o flaen drws Tŷ'r Cyffredin, Llundain

Fe'i ganed yn Hazaribagh, India a bu farw yn Twickenham, Llundain. Wedi gadael yr ysgol astudiodd meddygaeth gyda Choleg y Preceptors a'r Worshipful Society of Apothecaries ym Mhrifysgol Durham a Choleg y Brifysgol Llundain; mynychodd hefyd ddarlithoedd y seicolegydd Ffrengig Pierre Janet yn y Collège de France, Paris.

Roedd Murray yn aelod o Gynghrair Rhyddid Menywod (Women's Freedom League) a'r Women's Tax Resistance League , dau sefydliad a ymgyrchai'n uniongyrchol yn eu hymgyrch dros bleidlais menywod (etholfraint). Yn 1910 cymerodd hi a'r newyddiadurwr Henry Brailsford ddatganiadau o'r swffragetiaid a oedd wedi cael eu cam-drin yn ystod arddangosiadau "Dydd Gwener Du" yn Nhachwedd y flwyddyn honno. Cyflwynwyd eu memorandwm mewn print i'r Swyddfa Gartref, ynghyd â chais ffurfiol am ymchwiliad cyhoeddus; gwrthododd yr Ysgrifennydd Cartref, Winston Churchill, gyflawni hynny.

Agorodd Murray a'i ffrind agos Julia Turner y Medico-Psychological Clinic, endid arloesol a ddarparodd werthusiad a thriniaeth seicolegol, fforddiadwy i deuluoedd dosbarth canol. Daeth nifer o'r staff a weithiodd ac a hyfforddwyd yn y clinig yn brif seicdreiddwyr. Dyfarnwyd MD i Murray gan Brifysgol Durham ym 1919. Yn fuan wedyn cafodd ddiagnosis o ganser yr ofari; bu farw ym mis Medi 1920, yn 53 oed.

14 Endsleigh Street, lle bu Murray a Turner yn byw, a lle agorwyd y clinic Medico-Psychological

Magwraeth

Ganed Jessie Margaret Murray yn Hazaribagh, India India ar 9 Chwefror 1867 i Hugh Hildyard a Frances Jane Murray. Roedd Hildyard yn is-gapten y Magnelau Brenhinol ac roedd gan y cwpl ddwy ferch arall, y ddwy'n iau na Jessie. Tua 1880, teithiodd Frances Murray a'i phlant i Gaeredin, ac erbyn 1891 roeddent yn byw yn Llundain. Bum mlynedd yn ddiweddarach, roedd y teulu'n byw yn Bayswater, Gorllewin Llundain, pan fu farw Hugh, y tad, a oedd wedyn yn gyrnol wedi ymddeol.