Jim O'Rourke a'r Hoelion Wyth
Grŵp roc Cymraeg o'r 1980au oedd Jim O'Rourke a'r Hoelion Wyth. Roedd yn band ymysg ton o grwpiau poblogaidd canol yr 1980au ar adeg cyn i'r sîn roc rannu rhwng grwpiau mwy "tanddaearol" a rhai a elwyd yn "canol y ffordd" gan lenwi neuaddau a gigiau mawr.[1] Bu'r grŵp yn flaengar wrth gyfuno seiniau Gwyddelig megis y pibau uilleann fewn i ganu poblogaidd Gymraeg. Prif ganwr a chyfansoddwr y band oedd Jim O'Rourke a bu'n brif leisydd a chyfansoddwr i'r grŵp Rocyn cyn hynny ac yna'n Brif Weithredwr Urdd Gobaith Cymru.
Enghraifft o'r canlynol | band roc |
---|---|
Dyddiad cyhoeddi | 1980s |
Label recordio | Cwmni Recordiau Sain |
Dod i'r brig | 1984 |
Dod i ben | 1987 |
Genre | cerddoriaeth boblogaidd, canu gwerin |
Cydweithio Gwyddelig golygu
Un hynodrwydd gan y grŵp oedd iddi ddenu dau gerddor Gwyddelig proffesiynol ac enwog i gyfrannu ar ail albwm y grwp, Y Bont. Fe gyfrannodd Donal Lunny (o'r grwpiau Gwyddelig gwerin cyfoes, Planxty, Bothy Band a Moving Hearts) oeda Davy Spillane (Moving Hearts) yn chwrae'r pibau uilleann ar yr albwm sy'n trin a thrafod yn gerddorol cysylltiadau teuluol Jim O'Rourke a'r Iwerddon. Ar y record honno roedd Terry Williams (Dire Straits) ar y drymiau.[2] Daeth y syniad am y thema Wyddelig gan i daid Jim O'Rourke symud o Youghall ger Corc i Sir Benfro tua 1918, ac roedd yr enw “O’Rourke” yn amlwg yng nghofnodion “Gwrthryfel y Pasg” a charchar Fron Goch ger Y Bala.[3]
Ail sefydlu golygu
Ail sefydlwyd y band am daith fel yn 2008 i gyd-fynd â rhyddau albwm CD gan Recordiau Sain o ganeuon gorau'r grŵp a chyn-grŵp Jim O'Rourke, Rocyn. Roedd y gyngerdd gyntaf yn yn Theatr Gwersyll yr Urdd Caerdydd (Canolfan y Mileniwm) ar ddechrau Eisteddfod Genedlaethol Cymru Caerdydd 2008. Dyma oedd y tro cyntaf i Jim ganu'n fwy gyda band ers Taith “ Y Bont” yn 1987. Chwaraeodd y grŵp yn yr Eisteddfod ac yna taith fer yng ngaeaf 2008-09.[4]
Aelodau golygu
Cafwyd gwahanol aelodau i'r grŵp gyda cnewyllun sefydlog ac yna aelodau yn cyfrannu dros dro, neu, yn achos albwm Pentigili, ar gyfer traciau arbennig. Jim O'Rourke oedd prif leisydd a chyfansoddwr y band trwy gydol y cyfnod.
Prif aelodau:
- Gitâr fâs – Wyn Jones (Ail Symudiad a Recordiau Fflach), yna Ray Jones
- Drymiau – Gordon Jones
- Gitâr a llais cefndir – Brian Breeze, yna Greg Harries
Caneuon 'Gwyddelig' ar Pentigili e.e. Hen Wlad Dadcu, Dulyn, Gwyddeles, Y Bont, Sir Benfro:
- Llais cefndir – Catrin Davies, Sharon Wilshaw Phillips, Sian Davies, Sian Phillips Jones
- Gitâr fâs, Gitâr Fretless – Dave Bell (11)
- Drymiau, offer tarro – Terry Williams (bu hefyd yn Dire Straits)
- Alleweddellau, Bouzouki, Bodhrán – Donal Lunny
- Gitâr flaen a gitâr rhyddm – Greg Harris
- Pibau uilleann, chwiban – Davy Spillane
- Llais, piano – Jim O'Rourke
Disgograffi golygu
- Pentigili - record hir/albwm Recordiau Loco LOCO1016, 1984 [5]
- Y Bont - record hir/albwm Recordiau Sain 1425M, 1987 [6]
- Goreuon Jim O'Rourke yn cynnwys cyfraniadau / featuring Donal Lunny & Davy Spillane Archifwyd 2022-11-17 yn y Peiriant Wayback. Recordiau Sain SCD 2585, 2008
Dolenni allanol golygu
- Fideo Sir Benfro o gig Eisteddfod Caerdydd 2008 ar Youtube
- Hen Wlad Dadcu a Cowboi Fideo o gig Clang Clwyd, Eisteddfod Cenedlaethol Cymru Y Rhyl, 1985
- Jim O'Rourke Featuring Donal Lunny & Davy Spillane – Goreuon / Best Of albwm yn cynnwys caneuon gyda'r pibau uilleann
Cyfeiriadau golygu
- ↑ "Diffyg Diddordeb yn y [[Sîn Roc Gymraeg]] yn Llanbed". Clonc 260. 2016. URL–wikilink conflict (help)
- ↑ "Prosiect Da o Ddwy Ynys". The Free Library. 2017.
- ↑ "Y Bont". Recordiau Sain. 1987.
- ↑ "Neges gan Jon O'Rourke". Myfyrdodau Siamas Ramblings. 29 Gorffennaf 2008.
- ↑ "Disgyddiaeth Recordiau Cymraeg" (PDF). Dilwyn Jones. 27 Mehefin 2020.
- ↑ "Y Bont". Recordiau Sain. 1987.