John, brenin Lloegr

Brenin Lloegr o 6 Ebrill 1199 tan ei farwolaeth oedd John (24 Rhagfyr 1166 – 18/19 Hydref 1216). Ganwyd yn Rhydychen, yn bumed mab (a'r ieuengaf) i Harri II, brenin Lloegr, a'i wraig Eleanor o Aquitaine.

John, brenin Lloegr
Ganwyd	24 Rhagfyr 1166  Palas Beaumont
Bu farw	19 Hydref 1216  Castell Newark
Swydd	teyrn Lloegr, dug Normandi, Arglwydd Iwerddon, cownt Angyw
Tad	Harri II, brenin Lloegr
Mam	Eleanor o Aquitaine
Priod	Isabel, Iarlles Caerloyw, Isabella o Angoulême
Partner	Adela de Warenne, Clementina, Hawise de Tracy, Agatha de Ferrers
Plant	Harri III, brenin Lloegr, Richard, iarll 1af Cernyw, Joan o Loegr, Brenhines yr Alban, Isabella o Loegr, Elinor, iarlles Caerlŷr, y Dywysoges Siwan, Richard Fitzroy, Oliver Fitz Regis, Osbert Gifford, Geoffrey Fitzroy, John Fitzjohn, Odo Fitzroy, Ivo, Harri, Richard o Wallingford, Matilda o Barking, Isabella La Blanche, Joan
Llinach	Llinach Angyw

Cafodd ei yrru gan ei dad i Iwerddon yn 1185 ond bu rhaid i Harri ei alw'n ôl am fod cwynion am ei ymddygiad yno.

Cafodd ei goroni'n frenin Lloegr yn Abaty Westminster ar 27 Mai 1199. Yn 1189 priododd ag Isabella o Gaerloyw, merch ac etifedd William Fitz Robert, Ail Iarll Caerloyw. Nid oedd iddynt blant ac fe gawsant ysgariad tua'r adeg y daeth John ar yr orsedd. Ailbriododd John ag Isabella d'Angoulême a oedd ugain mlynedd yn iau nag ef, ar 24 Awst 1200.

Gorfodwyd ef i lofnodi'r Siarter Fawr (Magna Carta) gan y barwniaid a'r eglwys ar 15 Mehefin 1215.

Priododd ei ferch Siwan â'r tywysog Llywelyn Fawr.

Bu farw yn Newark, 19 Hydref 1216.

Plant

Gyda'i wraig Isabella d'Angoulême

• Harri III, brenin Lloegr (1207–1272), brenin Lloegr 1216–1272
• Rhisiart, 1af Iarll Cernyw (1209–1272)
• Joan o Loegr (1210–1238), gwraig Alexander II, brenin yr Alban
• Isabella Plantagenet (1214–1241), gwraig Ffrederic II, Ymerawdwr Glân Rhufeinig.
• Elinor (1215–1275), gwraig Simon de Montfort a mam Elinor de Montfort

Rhagflaenydd: Rhisiart I

Brenin Lloegr 6 Ebrill 1199 – 18/19 Hydref 1216

Olynydd: Harri III

Eginyn erthygl sydd uchod am Sais neu Saesnes. Gallwch helpu Wicipedia drwy ychwanegu ato.