John Gibson (pensaer)
Pensaer Seisnig oedd John Gibson (2 Mehefin 1817 – 23 Rhagfyr 1892), a aned yn Swydd Warwick, Lloegr.
| John Gibson | |
|---|---|
| Ganwyd | 2 Mehefin 1817  Castle Bromwich |
| Bu farw | 23 Rhagfyr 1892 Westminster |
| Dinasyddiaeth | Teyrnas Unedig Prydain Fawr ac Iwerddon |
| Galwedigaeth | pensaer |
| Gwobr/au | Medal Aur Frenhinol |
Roedd Gibson yn gymorthwywr i Syr Charles Barry a gweithiodd gyda fo ar gynllunio San Steffan.[1] Cynlluniodd Gibson sawl banc, yn cynnwys adeilad y National Bank of Scotland yn Glasgow yn 1864 a'r National Provincial Bank yn Bishopsgate, Llundain, yn 1865 a adwaenir hefyd fel 'Neuadd Gibson' (Gibson Hall).
Gweithiodd Gibson ar gynlluniau sawl eglwys, hen a newydd, yng ngogledd Cymru. Ei waith mwyaf adnabyddus yw'r Eglwys Farmor, ym Modelwyddan, Sir Ddinbych, sy'n nodwedd amlwg yn nhirwedd rhan isaf Dyffryn Clwyd.
Yn 1890, rhoddwyd y Fedal Aur Frenhinol (Royal Gold Medal) iddo am ei wasanaeth i bensaernïaeth.