John S. Davies (cemegydd)
Gwyddonydd o Gymru yn arbenigo mewn cemeg organig oedd y Dr John S Davies (7 Mehefin 1940 - 22 Ionawr 2016)[1]. Magwyd yn Nhrelech, Sir Gaerfyrddin a bu farw ym Mhenlle'r-gaer, Sir Abertawe lle ymgartrefodd. Rhoddodd gryn wasanaeth i faterion gwyddoniaeth trwy'r Gymraeg. Roedd hefyd yn gymwynaswr mawr i'r Gymraeg yn gyffredinol yn ei ardal.
| John S. Davies | |
|---|---|
_-_John_S._Davies.jpg) | |
| Ganwyd | 7 Mehefin 1940  Tre-lech, Llandudoch |
| Bu farw | 22 Ionawr 2016 Abertawe |
| Dinasyddiaeth |  Cymru |
| Alma mater |
|
| Galwedigaeth | cemegydd, academydd |
Bywgraffiad
golyguGraddiodd John Davies o Brifysgol Abertawe a bu'n gymrawd ymchwil yn Sefydliad Technoleg Massachusetts (MIT). Ei arbenigedd oedd peptidau cylch[2].
Ymunodd ag Adran Gemeg Prifysgol Abertawe yn 1964[3], cyn gorffen yno fel Uwch-ddarlithydd yn 2007[4]. Yn ystod ei gyfnod yn y Brifysgol, bu John Davies yn Ddeon y Gyfadran Wyddoniaeth, ac yn aelod ar Gyngor y Gymdeithas Gemegol Frenhinol. John Davies oedd ysgrifennydd Cymdeithas Peptid a Phrotein Ewrop[5].
Cyfrannodd yn rheolaidd i gyhoeddiadau gwyddonol yn y Gymraeg (megis Y Gwyddonydd, Delta ac Atom) dros genhedlaeth gyfan. Bu'n feirniad Gystadleuaeth Gwyddonwyr Ifanc y Flwyddyn sawl tro. Enillodd brif wobr Erthygl Gwyddoniaeth yn Eisteddfod Genedlaethol Maldwyn a'r Gororau (2015). Derbyniodd Fedal Gwyddoniaeth a Thechnoleg Eisteddfod Genedlaethol Bro Morgannwg (2012) am ei wasanaeth i Wyddoniaeth a Thechnoleg yn y Gymraeg.
Bu'n aelod o fwrdd golygyddol cylchgronau'r Gwyddonydd, Delta, Atom a Gwerddon ac yn gadeirydd ac aelod gweithgar o bwyllgor rheoli'r Gymdeithas Wyddonol Genedlaethol; yn ystod y cyfnod sefydlwyd adran Gwyddoniaeth a Thechnoleg yr Eisteddfod Genedlaethol. Bu'n gadeirydd yr adran honno am flynyddoedd.
Bu gan John Davies ran allweddol yn yr ymgyrch i sefydlu Ysgol Gyfun Gŵyr yn ysgol uwchradd Gymraeg gyntaf Abertawe[3], lle bu'n Gadeirydd y Corff Llywodraethol. Roedd yn gefnogwr brwd i bob agwedd o addysg Gymraeg. Roedd hefyd yn ysgrifennydd Eglwys yr Annibynwyr, Bethel Sgeti, Abertawe, am flynyddoedd lawer[3].
Roedd yn briod i Ann a bu iddynt ddwy ferch Eleri a Meinir[1].
Llyfryddiaeth
golyguY Gwyddonydd (detholiad)
golyguDamcaniaeth y tamaid bach. Y Gwyddonydd 9, (1; Mawrth) 1971[6]
Aspirin: y cymorth cyntaf. Y Gwyddonydd 13, (2) 50-51 (1975)[7]
Eisteddfod Abertawe a'r Cylch, 1982. Y Gwyddonydd 9, (3; Gaeaf) 1982-1983 [8]
Cyfeiriadau
golygu- ↑ 1.0 1.1 http://www.bmdsonline.co.uk/media-wales-group/obituary/davies-dr/44922033[dolen farw]
- ↑ (Saesneg) Davies, John S (2000). Cyclic peptides. Cyclic polymers. (Gol. Semlyen, J. Anthony. Ail-olygiad) tt 85-124. Kluwer Academic Publishers, 3300 AA, Dordrecht, Yr Iseldiroedd
- ↑ 3.0 3.1 3.2 http://archif.rhwyd.org/ycymro/newyddion/c/x44/i/3236/desc/marw-dr-john-davies/
- ↑ http://www.bbc.co.uk/cymrufyw/19197038
- ↑ http://golwg360.cymru/newyddion/cymru/212879-y-dr-john-s-davies-wedi-marw
- ↑ http://welshjournals.llgc.org.uk/browse/viewpage/llgc-id:1394134/llgc-id:1399248/llgc-id:1399336/get650
- ↑ http://welshjournals.llgc.org.uk/browse/viewpage/llgc-id:1394134/llgc-id:1401962/llgc-id:1402013/getText
- ↑ http://welshjournals.llgc.org.uk/browse/viewpage/llgc-id:1394134/llgc-id:1406022/llgc-id:1406127/get650