John Thomas, Pentrefoelas

John Thomas, Pentrefoelas
John Thomas, Pentrefoelas
Ffugenw	Pentrefoelas
Ganwyd	1742
Bu farw	1814
Dinasyddiaeth	Cymru
Galwedigaeth	bardd

Bardd Cymraeg oedd John Thomas neu John Thomas, Pentrefoelas (1742 – 1814). Canai yn null traddodiadol y bardd gwlad, sef mesurau'r canu rhydd Cymraeg wedi'u cynganeddu.^[1]

Am bobl eraill o'r un enw gweler John Thomas (gwahaniaethu)

Gyrfa

Brodor o blwyf Pentrefoelas yn yr hen Sir Ddinbych (Sir Conwy heddiw) oedd John Thomas, lle y'i ganed yn 1742. Cadwai fasnach, a gwasanaethai fel cofrestrydd plwyf Pentrefoelas.^[1]

Roedd testunau ei gerddi yn cynnwys "Yr Hwsmon Diog a'r Cristion Diofal", sydd i'w gweld mewn sawl blodeugerdd Gymraeg o'r cyfnod, e.e. Yr Awenydd (Caernarfon, d.d. tua 1860?). Mae dylanwad cerddi Huw Morus yn amlwg yn ei waith. Bu farw yn 1814. Cyhoeddwyd ei weithiau barddonol o dan olygiaeth Caledfryn yn 1845.^[1]

Llyfryddiaeth

Eos Gwynedd, gol. Caledfryn (John Jones, Llanrwst, 1845).

Cyfeiriadau

↑ ^1.0 ^1.1 ^1.2 D. Ambrose Jones, Llenyddiaeth a Llenorion Cymreig y Bedwaredd Ganrif ar Bymtheg (Hugh Evans a'i Feibion, Lerpwl, 1922).

[D._Ambrose_Jones_1922-1] 1.0 ^1.1 ^1.2 D. Ambrose Jones, Llenyddiaeth a Llenorion Cymreig y Bedwaredd Ganrif ar Bymtheg (Hugh Evans a'i Feibion, Lerpwl, 1922).

[1]