Lisa Otto
Roedd Lisa Otto (14 Tachwedd 1919 - 18 Medi 2013) yn Soprano opera Almaenig. Roedd hi'n yn arbennig o gysylltiedig â rolau soubrette a coloratwra ysgafn.[1]
| Lisa Otto | |
|---|---|
 | |
| Ganwyd | 14 Tachwedd 1919  Dresden |
| Bu farw | 18 Medi 2013 o clefyd Berlin |
| Dinasyddiaeth |  Yr Almaen |
| Galwedigaeth | canwr opera, actor ffilm |
| Math o lais | Soubrette |
Yn enedigol o Dresden, bu’n astudio yno yn y Musikhochschule gyda Susanne Steinmetz-Prée. Gwnaeth ei ymddangosiad cyntaf, fel Sophie yn Der Rosenkavalier, ym 1941 i Gwmni Opera Silesia yn Beuthen, lle y bu tan 1944. Yna canodd yn Nürnberg (1944-45), Dresden (1945-51), ac ymunodd ag Opera Taleithiol Berlin ym 1951, lle’r oedd i aros tan 1985.[2]
Mae hi'n fwyaf adnabyddus am rolau soubrette fel Blondchen yn Die Entführung aus dem Serail, Susanna yn Le nozze di Figaro, Zerlina yn Don Giovanni, Despina yn Così fan tutte, a Papagena yn Y Ffliwt Hud y cyfan yn operâu gan Mozart. Ymhlith y rolau nodedig eraill oedd Y Fenyw Gyntaf yn Y Ffliwt Hud, Marzelline yn Fidelio, Annchen yn Der Freischütz, Zerline yn Fra Diavolo, Echo yn Ariadne auf Naxos, ac ati. Cymerodd ran yn y gwaith o greu rôl y teitl yn Alkmene gan Giselher Klebe ac Der junge Lord Hans Werner Henze.[3] Ymddangosodd yn westai yn Opera Taleithiol Fienna, Gŵyl Salzburg, La Scala ym Milan, Opera Paris, a Gŵyl Opera Glyndebourne.[4] Gwnaeth deithiau o amgylch yr Unol Daleithiau, De America, a Japan. Fe’i gwnaed yn Kammersängerin (teitl anrhydeddus i gantorion nodedig ym myd opera a cherddoriaeth glasurol mewn gwledydd Almaeneg eu hiaith.[5]) ym 1963.[6]
Bywyd personol a marwolaeth
golyguRoedd Otto yn briod â Dr Albert Bind.
Bu farw yn Berlin ar 18 Medi 2013, yn 93 oed.
Cyfeiriadau
golygu- ↑ "Lisa Otto (Soprano) - Short Biography". www.bach-cantatas.com. Cyrchwyd 2021-02-28.
- ↑ Lisa Otto verstorben, Ehrenmitglied dêr Deutschen Oper Berlin
- ↑ "OPERISSIMO - Otto, Lisa". web.operissimo.com. Cyrchwyd 2021-02-28.
- ↑ "Lisa Otto". Glyndebourne. Cyrchwyd 2021-02-28.
- ↑ "Opera Terminology Flashcards". www.flashcardmachine.com. Cyrchwyd 2021-02-28.
- ↑ "Otto, Lisa | Encyclopedia.com". www.encyclopedia.com. Cyrchwyd 2021-02-28.