Llyfrau bychain wedi'u rhwymo mewn llian glas yw Llyfrau ab Owen. Fe'u cyhoeddwyd gan Gwmni'r Cyhoeddwyr Cymreig, Caernarfon, rhwng 1906 a 1914. Cymysgir yn aml rhwng Llyfrau ab Owen a Chyfres y Fil gan eu bod yr un maint a chanddynt yr un rhwymiad.

Nid cyfres mo Llyfrau ab Owen; yn hytrach, llyfrau annibynnol sy'n ymdrin yn bennaf â Chymru ac enwogion Cymru yn hanesyddol, bywgraffiadol a ffeithiol. Cafwyd rhai llyfrau yn ymdrin ag agweddau y tu hwnt i Gymru, fel India'r Gorllewin.

Golygydd y llyfrau oedd yr addysgwr Owen Morgan Edwards o Lanuwchllyn. Roedd gan y golygydd fab o'r enw Owen ab Owen a fu farw'n ifanc, ac enw ei fab arall oedd Ifan ab Owen Edwards, sef sylfaenydd Urdd Gobaith Cymru.

Cafwyd cyfraniadau i'r llyfrau gan Garneddog, Richard Morgan, Winnie Parry, Elfyn, Y Parch. Richard Roberts, Y Parch. O. Gaianydd Williams, O. Williamson, Y Parch. T. Mordaf Pierce, Y Parch D. Cunllo Davies a'r golygydd.

CyhoeddiadauGolygu

  • Gwreichion y Diwygiadau, Carneddog (1905)
  • Clych adgof - Penodau yn hanes fy addysg, Owen Edwards (1906)
  • Tro trwy'r wig, Richard Morgan, Cyfrol 1 (1906)
  • Cerrig y Rhyd, Winnie Parry (1907)
  • Capel Ulo, Elwyn (1907)
  • Tro trwy'r gogledd, Owen Edwards (1907)
  • Robert Owen, Apostol Llafur, Cyfrol 1 (1907)
  • Dafydd Jones o Drefriw, Y Parch. O. Gaiannydd Williams (1907)
  • Tro i'r de, Owen Edwards (1907)
  • Gwaith Hugh Jones, Maesglasau:
i: Cydymaith yr Hwsmon (1774)
ii: Hymnau newyddion (1797, 1907)
  • Trwy India'r Gorllewin, Y Parch. D.Cunllo Davies
  • Ceris y Pwll, Owen Williamson, Dwyran, Môn (1908)
  • Robert Owen, Apostol Llafur Cyfrol II (1910)
  • Caniadau Buddug wedi eu casglu a'u dethol gan ei phriod (1911)
  • Brut y Tywysogion. Cyfrol I (1913)
  • Cyfrinach y Dwyrain Y Parch. D.Cunllo Davies (1914)
  • Dr. W.Owen Pughe gan y Parch. T.Mordaf Pierce (1914)

Gweler hefydGolygu