Llyn Bodgynydd
Llyn yng Nghoedwig Gwydyr yn sir Conwy yw Llyn Bodgynydd. Ar lafar yn lleol cyfeirir ato fel "Llyn Bod Mawr"; mae llyn arall, gryn dipyn yn llai, gerllaw a elwir yn "Bod Bach". Saif y llyn 822 troedfedd uwch lefel y môr, ac mae ei arwynebedd yn 14 acer. Gellir cyrraedd ato ar hyd y ffordd gul sy'n arwain o'r Ty Hyll i'r gorllewin o bentref Betws y Coed i gyfeiriad Llyn Geirionydd.
 | |
| Math | cronfa ddŵr, llyn  |
|---|---|
| Daearyddiaeth | |
| Rhan o'r canlynol | Llynnau Bodgynydd |
| Sir | Capel Curig, Trefriw |
| Gwlad |  Cymru |
| Cyfesurynnau | 53.1167°N 3.8528°W |
| Rheolir gan | Clwb Pysgota Llanrwst |
 | |
Adeiladwyd argae i ymestyn y llyn er mwyn cyflenwi dŵr i fwynglawdd Pandora gerllaw; ac ar un adeg roedd argae ar lyn Bod Bach hefyd.
Gerllaw'r llyn mae Gwarchodfa Natur Cors Bodgynydd, sy'n un o'r lleoedd gorau yng ngogledd Cymru i weld neu glywed y Troellwr Mawr yn yr haf.
Ceir brithyll yma, a rheolir y pysgota gan Glwb Pysgota Llanrwst.
Llyfryddiaeth
golygu- Geraint Roberts, The Lakes of Eryri (Llanrwst: Gwasg Carreg Gwalch, 1995)