Amgueddfa'r Louvre
Amgueddfa yn ninas Paris, Ffrainc yw Amgueddfa'r Louvre (Ffrangeg: Musée du Louvre). Dyma amgueddfa genedlaethol Ffrainc. Mae'n un o'r amgueddfeydd mwyaf a phwysicaf yn y byd sy'n gartref i sawl gwaith celf enwog o gyfnod yr Henfyd ymlaen.
 | |
| Math | oriel gelf, amgueddfa archaeolegol  |
|---|---|
| Enwyd ar ôl | Palas y Louvre |
| Agoriad swyddogol | 10 Awst 1793 |
| Sefydlwyd |
|
| Daearyddiaeth | |
| Lleoliad | Palas y Louvre |
| Sir | Saint-Germain-l'Auxerrois |
| Gwlad |  Ffrainc |
| Uwch y môr | 44 metr |
| Gerllaw | Afon Seine |
| Cyfesurynnau | 48.8611°N 2.3358°E |
| Cod post | 75001 |
| Rheolir gan | Service des Musées de France |
 | |
| Perchnogaeth | Gweinyddiaeth Ddiwylliant Ffrainc |
| Sefydlwydwyd gan | Napoleon I |
Dechreuodd y Louvre fel palas brenhinol. Cynlluniwyd y colonâd marweddog gan Claude Perrault (1613 - 1688), brawd Charles Perrault, awdur y casgliad chwedlau gwerin enwog Contes de ma mère l’Oye. Agorwyd yr amgueddfa yn 1793 ar ôl gwrthdroi brenhiniaeth Ffrainc gan y Chwyldro Ffrengig. Cnewyllyn yr amgueddfa oedd casgliad celf personol brenhinoedd Ffrainc. Ychwanegwyd at y casgliad gan Napoleon Bonaparte a chan lywodraeth Ffrainc ac unigolion yn y 19g, yn cynnwys casgliad arbennig o waith yr Argraffiadwyr.
Mae gan yr amgueddfa arwynebedd o 60 000 m², a chafodd 8,300,000 o ymwelwyr yn 2007. Ceir rhai o weithiau celf enwocaf y byd yma, yn arbennig y Mona Lisa, Y Forwyn a Phlentyn gyda'r Santes Ann, Venus de Milo, Deddfau Hammurabi a Buddugoliaeth Adeiniog Samothrace. Yma hefyd mae'r dabled garreg sy'n cynnwys Cyfraith Hammurabi. Mae gwaith yr Argraffiadwyr yn cael ei gadw ar wahân yn y Jeu de Palmes yng Ngerddi'r Tuileries.
O flaen y prif adeilad ceir "Pyramid Pompidou", a enwir ar ôl Georges Pompidou (1911-1974), Prif Weinidog Ffrainc yn y 1960au a dechrau'r 1970au.