Luisa Futoransky
Nofelydd a bardd yn yr iaith Sbaeneg o'r Ariannin yw Luisa Futoransky (ganwyd 5 Ionawr 1939) sy'n nodedig am y digrifwch main a dadadeiladol sy'n lliwio'i ffuglen a'r darluniau o unigrwydd y mae'n telynegu yn ei barddoniaeth.
| Luisa Futoransky | |
|---|---|
 | |
| Ganwyd | 5 Ionawr 1939  Buenos Aires |
| Dinasyddiaeth | yr Ariannin |
| Alma mater |
|
| Galwedigaeth | llenor, bardd, cyfieithydd |
| Arddull | barddoniaeth |
| Gwobr/au | Cymrodoriaeth Guggenheim |
Ganwyd yn Buenos Aires, prifddinas yr Ariannin, i deulu Iddewig. Symudodd i Sbaen yn 1971, a bu'n byw hefyd yn yr Eidal, Japan, a Tsieina cyn iddi ymgartrefu yn Ffrainc yn 1981. Gweithiodd fel newyddiadurwraig ym Mharis. Teithiodd yn fynych i Israel, a hefyd i brifysgolion yn yr Unol Daleithiau ym mha le'r oedd hi'n cynnal gweithdai barddoniaeth.[1]
Ystyrir ei gwaith yn nodweddiadol o ddigrifwch ac hunaniaeth yr Iddew. Yn ogystal â thynnu ar agweddau o'i phrofiad diwylliannol, ysgrifennai Futoransky am themâu serch, taith, alltudiaeth, a benywdod, ac hynny mewn arddull sy'n cyfuno ieithwedd aruchel a llafar gwlad.[1]
Gwobrwywyd Cymrodoriaeth Guggenheim iddi yn 1991, a fe'i phenodwyd i urdd Chevalier des Arts et Lettres.[2]
Llyfryddiaeth
golyguBarddoniaeth
golygu- Partir, digo (Valencia: Editorial Prometeo, 1982).
- La sanguina (1987)
- La parca, enfrente (1995)
- Antología poética (Buenos Aires: Fondo Nacional de las Artes, 1996).
- Cortezas y fulgores (1997)
- De dónde son las palabras (Barcelona: Plaza & Janés, 1998).
- Prender de gajo (Madrid: Calambur, 2006).
Nofelau
golygu- Son cuentos chinos (1983)
- De Pe a Pa (o de Pekín a París) (Barcelona: Editorial Anagrama, 1986).
- Urracas (1992)
- El Formosa (Buenos Aires: Leviatán, 2010).
Ysgrifau
golygu- Pelos (Madrid: Ediciones Temas de Hoy, 1990).
- Lunas de miel (1996)
Cyfeiriadau
golygu- ↑ 1.0 1.1 Florinda F. Goldberg, "Futoransky, Luisa yn Encyclopaedia Judaica (Thomson Gale, 2007). Adalwyd ar Encyclopedia.com ar 14 Gorffennaf 2019.
- ↑ Florinda F. Goldberg, "Futoransky, Luisa" yn Encyclopedia of Latin American and Caribbean Literature 1900–2003, golygwyd gan Daniel Balderston a Mike Gonzalez (Llundain; Routledge, 2004), t. 215.