Malcolm Pryce

Awdur Seisnig yw Malcolm Pryce (ganwyd ym 1960), sy'n ysgrifennu nofelau ditectif noir yn arddull Raymond Chandler.

Malcolm Pryce
Ganwyd	1960
Alma mater	Ysgol Gyfun Penglais
Galwedigaeth	llenor

Llyfr cyntaf Malcolm Pryce: Aberystwyth Mon Amour

Bywgraffiad

Ganwyd Pryce yn yr Amwythig, cyn symyd i Aberystwyth yn naw oed, lle mynychodd Ysgol Gyfun Penglais yn diweddarach. Arhosodd yno hyd iddo gwblhau ei arholiadau Lefel A. Astudiodd Almaeneg ym Mhrifysgol Warwick a Phrifysgol Freiburg cyn gadael i fynd i deithio.

Tra'n teithio bu'n gweithio yn ffatri BMW yn yr Almaen, ac fel golchwr llestri. Ar ôl gyrfa fer fel "gwerthwr aliwminiwm gwaetha'r byd", bu Pryce yn ysgrifennwr copi yn y byd hysbysebu yn Llundain a Singapôr. Roedd e'n byw yn Bangkok, Gwlad Tai, rhwng 2001 a 2007, cyn iddo symud i Rydychen.

Lleolir y mwyafrif o'i nofelau yn Aberystwyth, ond mewn rhyw fydysawd arall lle mae derwyddon yn troseddu, lle mae bechgyn y dref yn diflannu mewn amgylchiadau rhyfedd, a lle mae gan y dref ddiwydiant ffilm, yn cynhyrchu ffilmiau 'Beth Welodd y Bwtler'. Arwr y straeon yw Louie Knight, ditectif preifat gorau tref Aberystwyth, ac yr unig dditectif preifat yn Aberystwyth...

Llyfrau

• Aberystwyth Mon Amour (Bloomsbury Publishing, 2001)
• Last Tango in Aberystwyth (Bloomsbury Publishing, 2003)
• The Unbearable Lightness of Being in Aberystwyth (Bloomsbury Publishing, 2005)
• Don't Cry for Me Aberystwyth (Bloomsbury Publishing, 2007)
• From Aberystwyth with Love (Bloomsbury Publishing, 2009)
• The Day Aberystwyth Stood Still (Bloomsbury Publishing, 2011)
• The Case of the "Hail Mary" Celeste: The Case Files of Jack Wenlock, Railway Detective (Bloomsbury Publishing, 2015)
• The Corpse in the Garden of Perfect Brightness (Bloomsbury Publishing, 2020)

Dolenni allanol

• Gwefan yr awdur