Marged Esli
Actores, awdures ac athrawes yw Marged Esli Charles-Williams a adnabyddir fel Marged Esli (ganwyd Mawrth 1949). Mae'n adnabyddus am chwarae'r cymeriad Nansi Furlong yn yr opera sebon Pobol y Cwm.
| Marged Esli | |
|---|---|
 | |
| Ganwyd | Marged Esli Charles-Williams  Mawrth 1949 Ynys Môn |
| Dinasyddiaeth |  Cymru |
| Alma mater |
|
| Galwedigaeth | actor, athro |
Bywyd cynnar ac addysg
golyguMagwyd Marged ar Sir Fôn ac aeth i Ysgol Llandrygarn ac Ysgol Gyfun Llangefni. Roedd ei thad yn swyddog yn y fyddin a roedd ei mam yn gweithio ar fferm y teulu. Ei thaid (ochr ei mam) oedd Esli Hughes, a'i thaid (ochr ei thad) oedd y pregethwr Thomas Charles Williams.[1]
Yn blentyn bu'n adrodd mewn eisteddfodau a dysgodd chwarae'r piano i radd 8. Aeth i wneud cwrs actio yng Ngholeg y Normal, Bangor. Cafodd gyfle i ymuno gyda Cwmni Theatr Cymru ar gynllun hyfforddi.
Gyrfa
golyguPan ymunodd ag Equity nid oedd yn bosib iddo ddefnyddio ei enw llawn, felly defnyddiodd yr enw Marged Esli.[1]
Yn yr 1970au cychwynodd weithio ar nifer o raglenni plant BBC Cymru. Cyfansoddodd dros 200 o ganeuon ar gyfer y rhaglen Bys a Bawd. Yn 1975 hi a Hywel Gwynfryn oedd cyflwynwyr cyntaf y rhaglen gylchgrawn Bilidowcar[2]
Ymunodd â Pobol y Cwm fel y cymeriad Nansi Furlong gan adael y gyfres ar ddiwedd y 1980au. Dychwelodd ei chymeriad yn 2010.
Yn 2023, ysgrifennodd ei hunangofiant, gyda'r teitl "Ro'n i'n arfer bod yn rhywun", cyhoeddwyd gan Gwasg y Bwthyn.[3]
Cyfeiriadau
golygu- ↑ 1.0 1.1 Beti a'i Phobol. BBC Cymru (11 Ebrill 2011).
- ↑ MARGED ESLI. Cinelgabran. Adalwyd ar 25 Ebrill 2018.
- ↑ Esli, Marged (2023). Ro'n i'n arfer bod yn rhywun. Caernarfon: Gwasg y Bwthyn. ISBN 978-1-913996-80-2.
Dolenni allanol
golygu- Marged Esli ar wefan Internet Movie Database