Agor y brif ddewislen

Siwan (drama)

drama gan Saunders Lewis

Drama fydryddol gan Saunders Lewis yw Siwan, sydd wedi ei seilio ar y cymeriad hanesyddol Siwan, gwraig Llywelyn Fawr. Lleolir y ddrama yn Abergwyngregin, ar arfordir gogleddol Gwynedd. Ysgrifennodd Saunders y ddrama Siwan yn 1954 a chafodd ei chyhoeddi yn 1956, ac mae'r ddrama yn un o'r clasuron Cymraeg.

Siwan  
Siwan gan R Owain.jpg
Clawr 'Siwan' - rhifyn CBAC, 2000
Awdur Saunders Lewis
Gwlad Cymru
Iaith Cymraeg
Genre(s) Drama
Cyhoeddwr Llyfrau'r Dryw
Dyddiad cyhoeddi Cyhoeddiad cyntaf: 1956
Argraffiad CBAC: 2000

Yn y ddrama, canfyddir Siwan a'i chariad Gwilym Brewys (William de Braose) gan ei gŵr sef y Tywysog Llywelyn Fawr. Mae'n crogi Gwilym, cosb a roddir fel arfer i ladron. Mae'r weithred hon yn gwneud gosodiad tra phwysig a heriol gan fod Llywelyn wrth wneud hyn yn tynnu holl rym Lloegr ar ei ben. Ar yr un pryd, mae'r weithred yn dyrchafu Llywelyn i awdurdod brenin eofn a chadarn.

Addaswyd y ddrama gan Robin Llwyd ab Owain ar gyfer disgyblion uwchradd (Cyhoeddwyd gan CBAC; ISBN 1 86085 4117; Mawrth 2000). Mae'r ddrama yn rhan o faes llafur Lefel A ers rai blynyddoedd.

"Siwan ydy'r ebychiad sicr cyntaf mae Saunders Lewis yn ei wneud," ebe Bobi Jones. Cyfrifir Siwan a Blodeuwedd fel clasuron y ddrama Gymraeg.[1]

DyfyniadauGolygu

Mae gan Wikiquote gasgliad o ddyfyniadau sy'n berthnasol i:
  • Nid ofni'r gwir, ond ofni, hwyrach ei glywed. (Siwan )
  • Mae syllu i lygad amser
yn gychwyn gwallgofrwydd.
Mewn amser mae amser i bopeth. (Siwan)
  • Does neb erioed â gydymdeimlodd â phoen. (Alis)
  • Seremoni yw byw i deulu brenhinol. (Llywelyn)
  • Mae pawb yn newid, mae hyd yn oed atgofion yn newid. (Llywelyn)
  • Dechrau nabod ei gilydd mae pob gŵr a gwraig, boed bythefnos
neu ugain mlynedd. (Llywelyn)
  • Rhodd enbyd yw bywyd i bawb. (Llywelyn)

Gweler hefydGolygu

CyfeiriadauGolygu