Michael Sheen
Actor a gweithredwr gwleidyddol[1] o Gymro yw Michael Sheen (ganwyd 5 Chwefror 1969). Wedi hyfforddiant yn RADA gweithiodd ym myd theatr drwy'r 1990au. Daeth yn nodedig am bortreadu pobl go-iawn mewn dramau ffuglen ar lwyfan a'r sgrîn, gyda dynwarediau cynnil o bersonoliaethau fel Tony Blair, Kenneth Williams, David Frost, Brian Clough a Chris Tarrant.[2]
| Michael Sheen | |
|---|---|
.jpg) | |
| Llais | Michael Sheen voice.flac  |
| Ganwyd | Michael Christopher Sheen 5 Chwefror 1969 Casnewydd |
| Man preswyl | Los Angeles, Baglan |
| Dinasyddiaeth |  Cymru |
| Alma mater | |
| Galwedigaeth | actor llais, actor llwyfan, actor ffilm, actor, actor teledu, video game actor, cynhyrchydd ffilm, cynhyrchydd teledu, cyfarwyddwr ffilm, cyfarwyddwr teledu, sgriptiwr ffilm |
| Swydd | Llysgennad Ewyllus Da UNICEF |
| Partner | Kate Beckinsale, Sarah Silverman, Rachel McAdams |
| Plant | Lily Mo Sheen |
| Gwobr/au | OBE, Gwobr James Joyce |
Bywyd cynnar ac addysg
golyguGanwyd Michael Christopher Sheen yng Nghasnewydd, Gwent, yn fab i Irene a Meyrick Sheen. Roedd y ddau'n gweithio fel rheolwyr personel. Mae ei dad yn ymdebygu o ran ei olwg i Jack Nicholson ac yn gweithio fel actor look-alike rhan amser.[3][4] Mae gan Michael chwaer iau o'r enw Joanne. Pan oedd yn 5 oed symudodd y teulu i Wallasey,[5] Magwyd Sheen ym Mhort Talbot a mynychodd Ysgol Gyfun Glan Afan. Ymunodd â Theatr Ieuenctid Cymru yn 16 oed, cyn derbyn hyfforddiant yn y RADA.
Gyrfa
golygu- Gweler hefyd: Rhestr o Gymry a wrthododd "Anrhydedd Brydeinig"
Sefydlodd Sheen ei hun fel un o dalentau ifanc mwyaf addawol y sîn theatraidd, fel Mozart yn nrama Peter Shaffer Amadeus, ac ymddangosodd ar y llwyfan yn theatr yr Old Vic dan gyfarwyddwyd Peter Hall. Portreaodd y cyn brif-weinidog Tony Blair deirgwaith yn y ffilmiau a gyfarwyddwyd gan Stephen Frears, The Deal a The Queen.
Derbyniodd OBE yn 2009 am wasanaethau i actio ond dychwelodd yr anrhydedd yn 2017. Yn Rhagfyr 2020, esboniodd fod hyn yn dilyn cyfnod pan gychwynnodd ddysgu am hanes Cymru wrth baratoi ar gyfer rhoi darlith goffa Raymond Williams. Penderfynodd roi'r OBE yn ôl fel ei fod yn gallu traddodi'r ddarlith a datgan ei farn am y teulu brenhinol heb ragrith.[6]
Yn 2024, cyfarwyddodd ac ymddangosodd Sheen yng nghyfres deledu'r BBC, The Way, a osodwyd yn ei dref enedigol, Port Talbot.[7]
Bywyd personol
golyguMae gan Sheen ferch o'i gyn-gariad tymor-hir, yr actores Seisnig Kate Beckinsale sef Lily Mo Sheen, a anwyd ar 31 Ionawr 1999. Daeth y berthynas gyda Beckinsale i ben tra'n ffilmio Underworld, lle'r oedd y ddau'n serennu. Gadawodd Beckinsale ef am berthynas gyda cyfarwyddwr y ffilm, Len Wiseman, a priododd y ddau'n ddiweddarach. Ni ymddangosodd Sheen yn y ffilm ddilynol, ar wahân i ôl-fflachiau o'r ffilm gyntaf. Ar ôl byw yn yr Unol Daleithiau gyda Beckinsale am gyfnod, dychwelodd i wledydd Prydain pan ddaeth y berthynas i ben. Mae'r ddau wedi bod yn rhieni ar y cyd i'w merch.
Yng nghanol 2019 cyhoeddodd Sheen ei fod ef a'i bartner, Anna Lundberg,[8] yn disgwyl plentyn.[9] Prynodd Sheen dŷ yng Nghwmtwrch lle bu'n byw yn ystod 2019 a 2020.[10] Ganwyd Lyra, merch i'r cwpl ar 23 Medi 2019.[8][11]
Mae Sheen yn gefnogwr Clwb Pêl-droed Dinas Abertawe erioed.
Ffilmiau
golygu| Blwyddyn | Teitl | Rôl | Nodiadau |
|---|---|---|---|
| 1995 | Othello | Lodovico | |
| 1996 | Mary Reilly | Bradshaw | |
| 1997 | Wilde | Robbie Ross | |
| 2002 | Heartlands | Colin | |
| 2002 | The Four Feathers | Trench | |
| 2003 | Bright Young Things | Miles | |
| 2003 | Underworld | Lucian | |
| 2003 | Timeline | Lord Oliver | |
| 2004 | Laws of Attraction | Thorne Jamison | |
| 2004 | The Banker | Y Bancwr | |
| 2005 | Dead Long Enough | Harry Jones | |
| 2005 | Kingdom of Heaven | Offeiriad | |
| 2006 | Underworld: Evolution | Lucian | |
| 2006 | The Queen | Tony Blair | Nomineiddwyd - Actor Cefnogol Gorau BAFTA |
| 2006 | HG Wells: War with the World | H. G. Wells | Ffilm teledu |
| 2006 | Blood Diamond | Simmons | |
| 2007 | Music Within | Art Honeyman | |
| 2008 | Frost/Nixon | David Frost | disgwyl rhyddhad |
| 2009 | Underworld: Rise of the Lycans | Lucian | ffilmio |
| The Damned United | Brian Clough | ' | |
| 2011 | Midnight in Paris | Paul | |
| 2015 | Far from the Madding Crowd | William Boldwood | |
| 2016 | Passengers | Arthur |
Teledu
golygu| Blwyddyn | Teitl | Rôl | Nodiadau | |
|---|---|---|---|---|
| 1993 | Gallowglass | Joe | ||
| 1998 | Lost in France | Owen | ||
| 2003 | The Deal | Tony Blair | ||
| 2004 | Dirty Filthy Love | Mark Furness | Nomineiddwyd - Actor Gorau BAFTA | |
| 2005 | The League of Gentlemen's Apocalypse | Jeremy Dyson | ||
| 2006 | Kenneth Williams: Fantabulosa! | Kenneth Williams | ||
| 2006 | HG Wells: War with the World | H. G. Wells | ||
| 2006 | Ancient Rome /The Battle for Rome | Nero | Cyfres deledu 6 rhan | |
| 2010 | The Special Relationship | Tony Blair | ||
| 2013 | Masters of Sex | Bill Masters |
Cyfeiriadau
golygu- ↑ "Actor Michael Sheen to focus more on political activism". Cyrchwyd 3 Ebrill 2020.
- ↑ Marshall, Kingsley (16 Chwefror 2011). "Why Great Lives Make Great Movies". Little White Lies. Archifwyd o'r gwreiddiol ar 28 Medi 2013. Cyrchwyd 5 Mawrth 2013.
- ↑ [1][dolen farw]
- ↑ BBC News - Sheen's father ill after car row
- ↑ "Michael Sheen on Twitter: "@IAmTheBaMan I lived in Wallasey for 3 years when I was a kid. Went to St.Georges primary."". Twitter. 28 Awst 2015. Cyrchwyd 16 Hydref 2016.
- ↑ Michael Sheen reveals he gave back OBE as he didn't want to be branded a 'hypocrite' , WalesOnline, 29 Rhagfyr 2020.
- ↑ Golbart, Max (16 Chwefror 2023). "James Graham, Michael Sheen & Adam Curtis Combine On Dystopian Drama 'The Way' For The BBC". Deadline Hollywood (yn Saesneg). Cyrchwyd 7 Mai 2023.
- ↑ 8.0 8.1 "Michael Sheen and Anna Lundberg welcome their baby". BBC News. 27 Medi 2019. Archifwyd o'r gwreiddiol ar 20 Hydref 2019. Cyrchwyd 18 Mehefin 2020.
- ↑ Sheen, Michael [@michaelsheen] (17 Gorffennaf 2019). "Very happy to let everyone know that my partner Anna and I are expecting a little angel of our own" (Trydariad). Cyrchwyd 18 Gorffennaf 2019 – drwy Twitter.
- ↑ Council names its gritting fleet after local celebrities including Michael Sheen , South Wales Guardian, 28 Rhagfyr 2020.
- ↑ Sheen, Michael [@michaelsheen] (30 Medi 2019). "Happy to say that at 8:41 am on Monday Medi 23rd our beautiful daughter Lyra was born" (Trydariad). Archifwyd o'r gwreiddiol ar 4 Hydref 2019. Cyrchwyd 30 Medi 2019 – drwy Twitter.