Naruhito, Ymerawdwr Japan

Naruhito (Siapanëeg: 徳仁?) / Na'ɺ̠ɯçito / Tôcio, 23 Chwefror 1960), yw Ymerawdwr Siapan. Ei llawn yn Hiro-no-miya Naruhito Shinnō (浩 宮 徳 仁 親王?), Ef yw mab hynaf yr cyn-Ymerawdwr Akihito a'r Ymerodres Michiko. Naruhito yw'r cyntaf mewn olyniaeth i ddod yn 126fed ymerawdwr Gorsedd yr Eurflodyn (neu Gorsedd Chrysanthemum) a'r cyntaf i'w enw wedi'r Ail Ryfel Byd. Mae'n briod â Masako Owada, merch cyn-Weinidog Materion Tramor Siapan ac wyres i'r dyn busnes Yutaka Egashira.

Naruhito, Ymerawdwr Japan
Ganwyd	浩宮徳仁親王  23 Chwefror 1960  Hospital of the Imperial Household
Man preswyl	Tokyo Imperial Palace
Dinasyddiaeth	Japan
Addysg	Bachelor of Letters, gradd meistr, Master of Humanities, Doethor Anrhydeddus Prifysgol Rhydychen
Alma mater	Prifysgol Gakushuin Coleg Merton, Rhydychen Gakushuin Boys' Junior and Senior High School Gakushuin Primary School Gakushuin Kindergarten
Galwedigaeth	teyrn, pendefig
Swydd	Ymerawdwr Japan, Crown Prince of Japan, etifedd eglur
Adnabyddus am	The Thames and I
Tad	Akihito, Ymerawdwr Japan
Mam	Michiko
Priod	Empress Masako
Plant	Aiko, Princess Toshi
Llinach	Llys Ymerodrol Japan
Chwaraeon
llofnod

Gorseddwyd Naruhito ar 1 Mai 2019 wedi i'w dad, yr Ymeradwr Akihito ymddeol o'r cyfrifoldeb o'i wirfodd. Cyferchir ef bellach fel 'Ei Fawrhydi Imperialaidd'.

Bywgraffiad

Naruhito yn fabi yn 1961

Ganwyd Naruhito yn Ysbyty Asiantaeth y Tŷ Ymerodrol yn y Palas Ymerodrol yn y brifddinas, Tokyo. O'i enedigaeth cafodd ei ddysgu beth fyddai ei rôl yn y dyfodol. Ef yw'r unig etifedd i orsedd Siapan sydd wedi derbyn addysg mor ofalus a byd-eang. Addysgwyd ef ym Mhalas Tsugo dan archebion llym. Gyda'i oed yn cyrraedd, anfonodd yr ymerawdwyr ef i astudio Hanes yng Coleg Merton, Rhydychen, Lloegr, lle bu'n amddiffyn ei draethawd ymchwil ar longau ar Afon Tafwys yn y 18g. Ar ôl dychwelyd i Siapan, ymrestrodd ym Mhrifysgol Gakushūin, gan ennill gradd Hanes ac arbenigo mewn Hanes Canoloesol Siapan. Yn ogystal, â siarad Siapanëeg a Saesneg mae'n siarad Tsieinëeg, Almaeneg a pheth Sbaeneg. Yn ogystal, mae Naruhito yn canu'r fiola a'r ffidil.

Ers oed ifanc bu Naruhito yn cynrychioli ei dad sawl gwaith. Yn ei ddyddiau myfyrwyr, teithiodd yn eang ond dywedir ei fod yn cadw'n ffyddlon at draddodiadol cynhenid Siapan.

Etifeddodd yr orsedd ar 1 Mai 2019 a hynny wedi dwy flynedd o rybudd wedi i'w dad, Ymerawdwr Akihito, gyhoeddi yn 2017 y byddai'n ymddiswyddo ar 30 Ebrill 2019 oherwydd ei broblemau oedran a gwendid iechyd.

Priodas ac etifedd

Priododd Naruhito ei wraig, Masako Owada, 9 Mehefin 1993 mewn ddefod Shinto; parhaodd y dathliadau ar gyfer yr uniad priodasol am dri diwrnod. Er iddo ddewis ei wraig o blith nifer o fenywod ar restr, mae wedi datgan ei fod mewn cariad llwyr â hi. Ar 31 Rhagfyr 1999, cafodd y Dywysygoes (fel oedd hi ar y pryd) Masako erthyliad.

Aiko, a aned ar 1 Rhagfyr 2001

Yn 2001 ganed Aiko, merch i'r pâr brenhinol. Roedd y ffaith bod merch wedi ei geni yn codi dadl genedlaethol gref dros newid Cyfraith Olyniaeth i'r Orsedd, gan na all menywod deyrnasu teyrnas Siapan. Ond penderfynwyd peidio newid rheol llinach y teulu brenhinol wedi igenedigaeth Hisahito, wyr gyntaf y cyn-Ymeradwr Akihito a chefnder i Aiko.

Teyrnasiad

Ar adeg ei orseddi gelwir ei gyfnod fel Ymeradwr yn swyddogol fel 'Oes Reiwa' gan y Prif Weinidog Shinzo Abe. Ystyr Reiwa yw "harmoni prydferth"..

Nawdd

• Llywydd Anrhydeddus Bwrdd Cynghori Ysgrifenyddiaeth Gyffredinol y Cenhedloedd Unedig dros Ddŵr a Glanweithdra.
• Is-lywydd Anrhydedd y Groes Goch Siapan