Non Evans
Athletwraig a chwaraewraig o Gymraes yw Non Evans MBE (ganwyd 20 Mehefin 1974) [1][2] sydd wedi cystadlu'n rhyngwladol mewn pedair camp gwahanol - rygbi undeb, jiwdo, codi pwysau a reslo rhydd.[3]
.jpg)
| |||
| Dyddiad geni | 20 Mehefin 1974 | ||
|---|---|---|---|
| Man geni | Abertawe | ||
| Taldra | 1.6 m (5 ft 3 in) | ||
| Pwysau | 58 kg (9 st 2 lb) | ||
| Gyrfa rygbi'r undeb | |||
| Gyrfa'n chwarae | |||
| Safle | Canolwr, Asgellwr, Cefnwr | ||
| Timau cenedlaethol | |||
| Blynydd. | Clybiau | Capiau | |
| 1996-2010 | 
|
87 | (489) |
Gyrfa chwaraeon golygu
Rygbi golygu
Chwaraeodd Evans am y tro cyntaf i Gymru yn erbyn yr Alban ym 1996 a chwaraeodd 84 gwaith ar gyfer ei gwlad hyd at ddechrau Cwpan Rygbi'r Byd 2010 (87 cap yn dilyn Cwpan y Byd). Hi yw'r sgoriwr pwyntiau uchaf yng Nghymru a'r byd.
Cyhoeddodd ei bod wedi ymddeol o Rygbi Rhyngwladol ym mis Rhagfyr 2010. Sgoriodd 64 o geisiadau rhyngwladol i Gymru, sef record byd ar gyfer rygbi Dynion a Merched.
Jiwdo golygu
Enillodd fedal arian ym Mhencampwriaethau Jiwdo'r Gymanwlad yn 1992 a 1996 a chystadlodd dros Gymru yng Ngemau'r Gymanwlad 2002 .
Codi Pwysau golygu
Gorffennodd Evans yn 9fed o dan 63 kg yng Ngemau'r Gymanwlad 2002 lle daeth y ferch gyntaf i gystadlu mewn dau gamp yn yr un Gemau.
Reslo golygu
Yn 2010, fe'i rhoddwyd yn 2il yn y dosbarth dan-59 kg ym Mhencampwriaethau Prydain ac fe'i dewiswyd i ymuno â thîm Cymru ar gyfer Gemau'r Gymanwlad yn 2010. Hi oedd y ferch gyntaf i gystadlu mewn tair camp yng Ngemau'r Gymanwlad.[4] Yn 2012, roedd Evans yn sylwebydd ar y BBC yng nghystadlaethau codi pwysau a reslo Gemau Olympaidd Llundain.
Gladiators (1997) golygu
Yn 1997 cystadlodd Evans yn chweched cyfres y rhaglen deledu Gladiators ond cafodd ei gorchfygu cyn y rownd gogynderfynol oherwydd penderfyniad gan y dyfarnwr John Anderson [5]
Bywyd personol golygu
Yn 2019 dywedodd ei bod wedi dioddef o iselder ar ôl ymddeol o fyd chwaraeon, heb unrhyw byd i anelu eto. Symudodd o Gaerdydd nôl i'w chynefin a chychwyn fel hyfforddwr ffitrwydd personol.[6] Yng Ngorffennaf 2020 ysgrifennodd neges ar Twitter yn dweud ei bod yn hoyw a'i bod wedi aros 30 mlynedd cyn medru dweud hynny.[7]
Anrhydeddau golygu
Penodwyd Evans yn Aelod o Orchymyn Ymerodraeth Brydeinig (MBE) yn Anrhydeddau Pen-blwydd 2011 am wasanaethau i chwaraeon, a dyma'r chwaraewr rygbi benywaidd cyntaf erioed i dderbyn y wobr.[8]
Cyfeiriadau golygu
- ↑ [1][dolen marw]
- ↑ Western Mail 29 Mehefin 2014 Mae Non Evans yn lân - 40 ac yn falch ohoni! [2]
- ↑ "BBC Sport - Wrestling - Non Evans wants Commonwealth Games wrestling spot". news.bbc.co.uk (yn Saesneg). Cyrchwyd 2017-08-21.
- ↑ Lloyd, Matt (2010-07-17). "Non Evans makes Commonwealth Games history". Express.co.uk (yn Saesneg). Cyrchwyd 2017-08-21.
- ↑ "Non Evans". IMDb. Cyrchwyd 2017-08-21.
- ↑ The emptiness felt by this remarkable Welsh sportswoman after a life in the spotlight stopped , WalesOnline, 18 Mai 2019. Cyrchwyd ar 14 Gorffennaf 2020.
- ↑ @NonEvans (14 Gorffennaf 2020). "Please don't judge me I am Gay. Sorry taken me 30 years to say that x" (Trydariad). Cyrchwyd 14 Gorffennaf 2020 – drwy Twitter.
- ↑ London Gazette: (Supplement) no. 59808. p. 16. 11 Mehefin 2011.