Ochr 1
| Nid yw'r erthygl hon yn dyfynnu unrhyw ffynonellau. Helpwch wella'r erthygl hon drwy ychwanegu dyfyniadau i ffynonellau dibynadwy. Caiff cynnwys heb ei ddyfynnu ei herio, a gellir ei ddileu, o ganlyniad. Mae'r tag yma'n rhoi'r erthygl yma yn y categori Categori:Dim-ffynonellau. |
Rhaglen gerddoriaeth ar S4C yw Ochr 1 sy'n rhoi sylw i gerddoriaeth Gymraeg amgen a chyfoes o bob math. Cychwynnodd y gyfres yn 2013 fel rhan o arlwy Y Lle ar gyfer pobl ifanc. Mae wedi ei chyflwyno gan Griff Lynch.
| Ochr 1 | |
|---|---|
| |
| Genre | Cerddoriaeth |
| Cyflwynwyd gan | Griff Lynch |
| Gwlad/gwladwriaeth | Cymru |
| Iaith/ieithoedd | Cymraeg |
| Nifer cyfresi | 3 |
| Cynhyrchiad | |
| Amser rhedeg | 30 munud |
| Cwmnïau cynhyrchu |
Antena |
| Darllediad | |
| Sianel wreiddiol | S4C |
| Fformat llun | 1080i (16:9 HDTV) |
| Rhediad cyntaf yn | 2013– |
Mae amrywiaeth o bethau’n cael eu cynnwys ar Ochr 1 megis sesiynau byw yn y stiwdio gan fandiau fel Sŵnami, Yws Gwynedd, Cowbois Rhos Botwnnog, Kizzy Crawford a mwy, yn ogystal â fideos wedi’u cyfarwyddo gan rai o gyfarwyddwyr mwyaf cyffrous Cymru a chyfweliadau gydag artistiaid y sîn gerddorol Gymraeg, mewn amryw o leoliadau ledled Cymru. Mae artistiaid poblogaidd megis HMS Morris, Candelas, Y Pencadlys ac Yr Eira wedi gwneud eu hymddangosiad teledu cyntaf ar Ochr 1.
Rhifynau arbennig
golyguYn ogystal â'r rhaglenni arferol, mae sawl rhaglen arbennig wedi’i darlledu gan gynnwys taith y band ifanc poblogaidd, Swnami, yng ngŵyl Eurosonic yn Groningen, Yr Iseldiroedd. Yma, roedd modd gweld taith y bechgyn a’r perfformiad byw. Hefyd, darlledwyd rhaglen arbennig am y band pop dychmygol o’r 70au, Saron - un o brosiectau’r label Klep Dim Trep. Penderfynodd Ochr 1 wneud rhaglen hanner awr, fel ‘rhaglen goll o’r archif’, o’r enw Cil y Drws o 1974. Roedd y rhaglen yn dilyn hanes y grwp yn eu dyddiau cynnar, ac yna yn cael cip olwg ar yr hyn roeddent yn recordio yn y stiwdio. Yn ogystal â hynny, roedd y band yn perfformio a sgwrsio gyda'r cyflwynydd Englyn Williams yn y stiwdio. Roedd y rhaglen 'gomedi cerddorol' wedi ei ffilmio yn yr un steil â rhaglenni pop Cymraeg y 70au megis Disg a Dawn, Twndish ac ati.
Rhaglen arbennig arall oedd Ochr 1: Aron Elias. Roedd Aron Elias o Borthmadog yn brif leisydd i un o grwpiau Hip-Hop mwyaf dylanwadol Cymru, Pep Le Pew. Erbyn hyn mae'n byw mewn ogof ar ochr mynyddoedd Sacromonte, ger Granada, a hynny heb ddŵr ‘na thrydan. Mae'n treulio ei ddyddiau yn bysgio am ddigon o arian i'w gynnal am y dydd, a hynny ymysg rhai o gerddorion fflamenco mwyaf medrus y byd. Gyda cherddoriaeth unigryw Aron, ynghyd â thirwedd a phensaernïaeth godidog Granada yn gefndir, mae’r rhaglen hon yn rhoi portread ar fywyd a meddylfryd un o gerddorion mwyaf dawnus ac unigryw Cymru.
Mae Ochr 1 yn hynod o gynhyrchiol mewn amrywiaeth o wyliau Cymraeg. Ym mis Chwefror, cynhelir noson Gwobrau’r Selar sy’n gwobrwyo bandiau ac unigolion y sîn roc Gymraeg. Yn yr wythnosau cyn y gwobrau, mae Ochr 1 yn cynhyrchu a rhyddhau fideos ar YouTube yn datgelu’r rhestrau byrion ac ar y noson ei hun, mae’r rhaglen yn cyfweld â’r enillwyr ac yn cofnodi’r noson fel bod modd ail-fyw’r cyffro i’r rhai oedd yno, neu alluogi’r rhai oedd methu bod yn rhan o’r noson. Yn ystod wythnos yr Eisteddfod Genedlaethol, mae Ochr 1 yn darlledu bandiau yn chwarae’n fyw o nosweithiau poblogaidd Maes B. Yn ogystal â hyn, mae llawer o fideos o’r setiau byw, sesiynau acwstig a chyfweliadau gyda’r bandiau ar gael ar sianel YouTube Ochr 1 fel bod modd ail-wylio eitemau’r rhaglen.
Esblygiad i Lŵp
golyguBu i cyfres Ochr 1 ddod i ben ac yn 2019 lansiwyd Lŵp fel platfform gerddoriaeth gyfoes Gymraeg S4C. Mae Lŵp yn cynnwys rhaglen ar y Sianel ond mae'r rhan fwyaf o'r cynnyrch sy'n cynnwys darllediadau o gigs byw a fideos ar-lein ar y cyfryngau cymdeithasol fel Youtube, Facebook, TikTok a Twitter.[1]
Dolenni allanol
golyguCyfeiriadau
golygu- ↑ "S4C yn lawnsio Lŵp – mwy o gerddoriaeth ar y sianel". S4C. Awst 2019.
