Peniarth 28
Llawysgrif Peniarth 28 yw un o'r llawysgrifau Cymreig hynaf. Un o lyfrau Cyfraith Hywel Dda ydyw, a'r testun yn Lladin. Mae'n cynnwys nifer o luniau lliw i ddarlunio'r testun.
_King_Hywel.jpg) | |
| Enghraifft o'r canlynol | llawysgrif goliwiedig  |
|---|---|
| Deunydd | memrwn, inc |
| Rhan o | Llawysgrifau Peniarth |
| Iaith | Lladin |
| Tudalennau | 39 |
| Dechrau/Sefydlu | c. 1250 |
| Genre | llenyddiaeth ffeithiol |
| Lleoliad | Llyfrgell Genedlaethol Cymru |
| Prif bwnc | Cyfraith Cymru |
 Ffeiliau perthnasol ar Gomin Wicimedia | |
Mae'r llawysgrif yn cynnwys un o'r fersiynau o'r testun Lladin o'r cyfreithiau a adnabyddir heddiw fel y testun 'Lladin A'. Mae'r fersiwn yma o gyfraith Hywel yn tarddu o Wynedd ac yn rhan o'r corff o lyfrau cyfraith Cymreig a elwir yn Fersiwn Gwynedd. Fel y rhan fwyaf o'r llyfrau cyfraith, llyfr bach ydyw Peniarth 28, cyfleus i'w gario o gwmpas. Ei brif ddiddordeb yw'r cyfres o luniau bach yn darlunio pynciau perthnasol, er enghraifft Swyddogion Llys y Brenin, anifeiliaid a phobl gyffredin.
_Hawker_cropped.jpg)
Mae'r arbenigwr ar lyfrau Cymreig cynnar Daniel Huws yn awgrymu i'r llyfr gael ei wneud ar gyfer gŵr eglwysig fel cyfrol gyflwyno. Pwy bynnag oedd y clerigwr hwnnw, roedd Peniarth 28 yn llyfrgell abaty yng Nghaergaint tua dechrau'r 14g. Awgryma Daniel Huws ymhellach mai hwn oedd yr union lyfr y dyfynodd John Pecham, Archesgob Caergaint ohono yn ei lythyr o gerydd a chomdemniad at Llywelyn ap Gruffudd ym mis Tachwedd, 1282, pan oedd Edward I o Loegr ar fin ymosod ar Wynedd.
Cedwir y llawysgrif yn Llyfrgell Genedlaethol Cymru, Aberystwyth, fel rhan o'r casliad a enwir yn Llawysgrifau Peniarth.
Llyfryddiaeth
golygu- H.D. Emanuel (gol.), The Latin Texts of the Welsh Laws (Caerdydd, 1967)
- Daniel Huws, Peniarth 28 (Llyfrgell Genedlaethol Cymru, Aberystwyth, 1988)
- Peniarth 28: fersiwn digidol, Llyfrgell Genedlaethol Cymru