Race Horses

Am yr orsaf radio, gweler Radio Luxembourg.

Grŵp pop seicadelig a ffurfiwyd yn Aberystwyth yn 2005 yw Race Horses, adnabyddwyd fel Radio Luxembourg gynt. Diolch i gigio a recordio cyson mae'r grŵp yma wedi profi llwyddiant mawr mewn amser byr iawn. Prif ganwr a chyfansoddwr y band yw Meilyr Jones (gynt o'r band Mozz) - sydd hefyd yn chwarae'r gitâr fas. Mae Dylan "Huggies" Hughes yn chwarae'r synth. "Bass Drum" Ben Herrick sy'n chwarae'r drymiau. Alun "Gaff" Gaffey (sydd hefyd yn chwarae i'r grwp ffwnc a sgiffl Pwsi Meri Mew) sy'n chwarae'r gitâr. Mae eu holl waith hyd yn hyn wedi ei gynhyrchu gan Euros Childs. Dylunwyd clawr eu dau EP diweddaraf, Diwrnod efo'r Anifeiliaid a Where is Dennis? / Cartoon Cariad gan Ruth Jên, mae hi hefyd wedi dylunio set ar y cyd gyda'r band ar gyfer eu perfformiadau byw.

Data cyffredinol
Enghraifft o'r canlynolband Edit this on Wikidata
GwladY Deyrnas Unedig Edit this on Wikidata
Dod i benIonawr 2013 Edit this on Wikidata

Gadawodd y drymiwr Ben Herrick y band yn hwyr yn 2008, a fe gymerwyd ei le gan Gwion Llewelyn.

Newidwyd enw'r band o Radio Luxembourg i Race Horses ym mis Chwefror 2009, oherwydd y problemau cyfreithiol ynghlwm a rhannu enw gyda'r orsaf radio o'r un enw.

Cyhoeddwyd fod y band yn gwahanu yn mis Ionawr 2013 am resymau creadigol.[1][2]

DisgograffiGolygu

Radio LuxembourgGolygu

Race HorsesGolygu

  • Cake / Cacen Mamgu
  • Goodbye Falkenburg
  • Furniture

Gwobrau ac AnrhydeddauGolygu

  • Sesiwn C2 - Gwobrau Roc a Phop C2 2006
  • EP/Sengl - Gwobrau Roc a Phop C2 2006
  • Y Grŵp a Ddaeth Fwyaf i Amlygrwydd yn Ystod 2005 - Gwobrau Roc a Phop C2 2006
  • EP/Sengl/Lawrlwythiad - ar gyfer Os Chi'n lladd Cindy - Gwobrau Roc a Phop C2 2007
  • Band/Artist y Flwyddyn - Gwobrau Roc a Phop C2 2007

Cysylltiadau allanolGolygu

CyfeiriadauGolygu