Rhys Priestland
Chwaraewr rygbi'r undeb rhyngwladol Cymreig yw Rhys Priestland (ganwyd 9 Ionawr 1987, Caerfyrddin, Sir Gaerfyrddin).
| |||
| Dyddiad geni | 9 Ionawr 1987 | ||
|---|---|---|---|
| Man geni | Caerfyrddin, Cymru | ||
| Taldra | 182 cm (6 tr 0 mod) | ||
| Pwysau | 87 kg (13 st 10 lb)[1] | ||
| Ysgol U. | Ysgol Gyfun Bro Myrddin | ||
| Prifysgol | Prifysgol Abertawe | ||
| Gyrfa rygbi'r undeb | |||
| Gyrfa'n chwarae | |||
| Safle | maswr | ||
| Clybiau proffesiynol | |||
| Blynydd. | Clybiau | Capiau | (pwyntiau) |
| 2005– | Y Sgarlets | 94 | (668) |
| Timau cenedlaethol | |||
| Blynydd. | Clybiau | Capiau | |
| 2011–12 | Cymru | 22 | (53) |
| yn gywir ar 01 Rhagf 2012 (UTC). | |||
Addysg
golyguFe addysgwyd Rhys Priestland yn Ysgol Gyfun Bro Myrddin ac mae yn siaradwr Cymraeg rhugl. Wedi gadael yr ysgol, astudiodd economeg ym Mhrifysgol Caerdydd, a gorffennodd ei gwrs ym Mhrifysgol Abertawe.
Gyrfa
golyguDechreuodd Priestland chwarae rygbi gyda chlybiau rygbi Llandeilo ac Athletic Caerfyrddin cyn ymuno â chlwb Scarlets Llanelli pan yn ddeunaw oed. Fel maswr y mae yn hoffi chwarae fwyaf, ond gall chwarae fel cefnwr hefyd.[2]
Chwaraeodd Rhys dros Gymru dan 19 a Chymru dan 20, cyn cael ei alw i chwarae i Dîm cenedlaethol Cymru ar gyfer Pencampwriaeth y Chwe Gwlad yn 2011.[3] Gwnaeth ei ymddangosiad rhyngwladol cyntaf dros Gymru ym mis Chwefror 2011 fel eilydd ail-hanner yn y fuddugoliaeth yn erbyn yr Alban.
Fe'i enwyd yng ngharfan Cymru ar gyfer Cwpan y Byd 2011 yn Seland Newydd ym mis Awst 2011. Sgoriodd 29 pwynt mewn 5 gem dros Gymru yn y twrnamaint. Ar ôl cael ei anafu yn y rownd go-gyn-derfynol yn erbyn Iwerddon, ymddangosodd Priestland fel gwestai ar raglen Cwpan Rygbi’r Byd 2011 ar S4C.[4]
Sgoriodd Priestland ei gais cyntaf dros ei wlad yn erbyn Awstralia ar 3 Rhagfyr 2011.
Cyfeiriadau
golygu- ↑ "Scarlets - Profile". Scarlets official site (2012-02-11). Archifwyd o'r gwreiddiol ar 2014-12-05. Cyrchwyd on 2012-02-20. Check date values in:
|accessdate=(help) - ↑ "Bywgraffiad ar Wefan Scarlets Llanelli". Archifwyd o'r gwreiddiol ar 2013-12-06. Cyrchwyd 2011-10-22.
- ↑ Gwefan y BBC - Priestland wedi ei synnu gan alwad Gatland
- ↑ Erthygl Golwg360 - Priestland ar y Teledu
Dolenni allanol
golygu- Proffil ar Wefan Scarlets Llanelli Archifwyd 2013-12-06 yn y Peiriant Wayback
- Proffil ar Wefan Undeb Rygbi Cymru Archifwyd 2016-03-04 yn y Peiriant Wayback