Stadion Gradski vrt

Stadiwm aml-ddefnydd yn ninas Osijek, dwyrain Croatia, yw Stadion Gradski vrt (Stadiwm Gardd y ddinas). Mae'n gartref i ddau glwb pêl-droed, NK Osijek a Fortuna VNO Osijek.

Stadion Gradski vrt

Math	stadiwm
Agoriad swyddogol	1980
Sefydlwyd	1980
Daearyddiaeth
Sir	Osijek
Gwlad	Croatia
Cyfesurynnau	45.545°N 18.6958°E
Rheolir gan	Osijek
Perchnogaeth	Osijek
Ffeiliau perthnasol ar Comin

Mae ganddo gapasiti o 18,856 (17,876 ar gyfer seddau a 980 ar gyfer sefyll). Ceir y geiriau Grad na Dravi ("Dinas ar y Drava") wedi eu hysgrifennu mewn seddi gwynion ar un o eisteddoedd y stadiwm.

Hanes

Dechreuodd y gwaith adeiladu ym 1949, ond cafodd gwaith ei stopio sawl gwaith. Chwaraewyd y gêm gyntaf ar sail Gradski Vrt rhwng NK Osijek a FK Sloboda Tuzla ar 7 Medi 1958. Yn 1980, agorwyd y stadiwm yn swyddogol.

Yn 1982, torrwyd y record o bresenoldeb stadiwm, ar y gêm bêl-droed rhwng NK Osijek a Dinamo Zagreb gyd thorf o 40,000 yn gwylio. Y canlyniad oedd 1-2.

Yn 1998 gosodwyd seddi ac adlen. Yn 2005, adnewyddwyd y stadiwm. O dan y stondin orllewinol, gosodwyd ystafelloedd i bwysigion ac aildrefnwyd y porthdy, gan ychwanegu 1,000 o seddau newydd. Cafodd y trac athletau ei ail-greu, ei ail-baentio o goch i las. Ar ôl yr adnewyddu hwn, mae'r stadiwm wedi cyflawni meini prawf stadiwm UEFA. Yn yr un flwyddyn, roedd y stadiwm yn rhan o gais ar y cyd rhwng Croatia a Hwngari am gynnal Pencampwriaeth Pêl-droed Ewrop 2012. Bryd hynny cyflwynwyd prosiect o stadiwm newydd gyda chapasiti mwy.

Yn 2010, trwsiwyd y stadiwm eto: cafodd y cae ei ailosod, cafodd y ffensys eu peintio a rhifwyd y seddau. Y rheswm oedd gêm gyfeillgar rhwng Croatia a Cymru, a gynhaliwyd ar 23 Mai y flwyddyn honno.

Ym mis Mai 2016, cynhaliodd y stadiwm y rownd derfynol Cwpan Pêl-droed Croatia.

Cymru a'r Stadiwm

Mae Cymru wedi chwarae 3 gwaith yn y stadiwm - dwy waith mewn gêm gyfeillgar ar 23 Mai 2010 a 2012 ac eto ar 8 Mehefin 2019 mewn gêm gystadleuol fel gêm rhagbrofol ar gyfer pencampwriaeth Ewrop UEFA 2020. Chwaraewyd yn Osijek er gwaethaf disgwyliawd Cymdeithas Bêl-droed Cymru a'r cefnogwyr y byddent yn chwarea yn y brifddinas, Zagreb. Nododd y Cymry amneuon am faint ac addasrwydd y stadiwm ar gyfer gêm ryngwladol gystadleuol bwysig.

Cynlluniau i'r Dyfodol

Ym mis Ebrill 2018, rhyddhaodd Llywydd NK Osijek Ivan Meštrović ddyluniad strwythur manwl ar gyfer y stadiwm newydd. Bydd stadiwm o'r radd flaenaf yn cael ei adeiladu yng nghymdogaeth Pampas yn Osijek fel rhan o ganolfan hyfforddi newydd NK Osijek. Bydd capasiti'r stadiwm newydd yn 12,000, gyda'r holl seddau'n cael eu cynnwys. Bydd y stadiwm yn gategori pedwar UEFA ac mae i fod i gael ei orffen yn 2020. Yn ystod adeiladu'r stadiwm, bydd NK Osijek yn chwarae eu gemau cartref yn y stadiwm Gradski vrt presennol, sydd yn y dyfodol yn mynd i gael ei ddefnyddio fel prif stadiwm y Sgwad NK Osijek B.

Gemau Rhyngwladol

Dyddiad	Cystadleuaeth	Gwrthwynebwyr	Sgôr	Torf	Ref
Croatia (1990–present)
01996--104 10, 1996	Gêm arddangos, gyfeillgar	Hwngari	4–1	10,287	[1]
01998--224 22, 1998	Cyfeillgar	Gwlad Pwyl	4–1	16,000	[2]
02001--243 24, 2001	Gêm ragbrofol Cwpan y Byd FIFA 2002	Latfia	4–1	13,345	[3]
02002--079 7, 2002	Gêm ragbrofol Cwpan UEFA Euro 2004	Estonia	0–0	10,766	[4]
02006--285 28, 2006	Cyfeillgar	Iran	2–2	20,000	[5]
02010--235 23, 2010	Cyfeillgar	Cymru	2–0	10,482	[6]
02012--1610 16, 2012	Gêm ragbrofol Cwpan y Byd FIFA 2014	Cymru	2–0	17,500	[7]
02014--315 31, 2014	Cyfeillgar	Mali	2-1	15,212	[8]
02014--1310 13, 2014	Gêm ragbrofol Cwpan Europ UEFA 2016	Aserbaijan	6-0	16,021	[9]
02016--2303 23, 2016	Cyfeillgar	Israel	2-0	10,545	[10]
02018--0806 8, 2018	Cyfeillgar	Senegal	2-1	15,998	[11]

Oriel

• 
  Eisteddle'r Gorllewin (cyn adnewyddu 2005)
• 
  Eisteddle'r Dwyrain (wedi adnewyddu 2005)
• 
  Eisteddle'r Dwyrain (wedi adnewyddu 2005)
• 
  Stadion Gradski vrt, 2012

Dolenni allanol

• Stadion Gradski vrt at Stadium Guide