Y Tywysog Harri

Ail fab y Tywysog Siarl a Diana yw Henry Charles Albert David Mountbatten-Windsor neu'r Tywysog Harri, Dug Sussex (ganwyd 15 Medi 1984). Mae'n frawd i'r Tywysog William. Priododd yr actores Meghan Markle ym Mai 2018.

Y Tywysog Harri
Ganwyd	15 Medi 1984  Ysbyty'r Santes Fair
Man preswyl	Palas Kensington
Dinasyddiaeth	Y Deyrnas Unedig
Alma mater	Coleg Eton Ysgol Wetherby Ysgol Ludgrove Academi Filwrol Frenhinol Sandhurst
Galwedigaeth	peilot hofrennydd, swyddog, noddwr y celfyddydau, chwaraewr polo
Taldra	73 Modfedd
Tad	Y Tywysog Siarl
Mam	Diana
Priod	Meghan Markle
Partner	Chelsy Davy, Cressida Bonas, Meghan Markle
Plant	Archie Mountbatten-Windsor
Llinach	House of Windsor, Teulu Brenhinol y Deyrnas Unedig, Mountbatten-Windsor
Gwobr/au	Marchog-Cadlywydd Urdd Brenhinol Fictoraidd, Medal Jiwbili Aur y Frenhines Lisabeth II, Medal Jiwbili Diamwnd y Frenhines Lisabeth II, Urdd Isabela'r Babyddes, Operational Service Medal for Afghanistan, aelod anrhydeddus
Gwefan	https://www.royal.uk/search/prince-harry
Llofnod

Fe'i addysgwyd mewn ysgolion yn Lloegr a treuliodd gyfnodau o'i flwyddyn bwlch yn Awstralia a Lesotho. Yna cafodd hyfforddiant swyddog yn Academi Filwrol Frenhinol Sandhurst. Fe'i benodwyd yn gornet (sef ail is-gapten) yn y Blues a Royals, gan wasanaethau dros dro gyda'i frawd Y Tywysog William, a cwblhaodd ei hyfforddiant fel arweinydd milwyr. Yn 2007-2008 gwasanaethodd am dros ddeg wythnos yn Helmand, Affganistan, ond tynnodd allan ar ôl i gylchgrawn Awstralaidd ddatgelu ei bresenoldeb yna. Dychweloddi Affganistan am gyfnod o 20 wythnos yn 2012-13 gyda Corfflu Awyr y Fyddin. Gadawodd y fyddin yn Mehefin 2015.

Cynnwys

Helyntion

Ffrae'r wisg ffansi Natsïaidd

Tudalen flaen The Sun gyda llun o'r tywysog yn y parti

Yn Ionawr 2005, mewn parti gwisg ffansi gyda'r thema "Trefedigaethwyr a Brodorion", gwisgodd y Tywysog Harri band braich swastika ac iwnifform Natsïaidd, gan godi ymateb beirniadol iawn ac achosi cryn embaras i'w deulu. Yn ddiweddarach, rhyddhawyd cyhoeddiad ar ei ran yn ymddiheuro am y weithred, ond roedd ei amharodrwydd i ymddiheuro'n bersonol yn cythruddo nifer o grwpiau gwrth-hiliaeth ac unigolion. Cafodd ei feirniadu am wneud sbort ar ben mater difrifol a brifo teimladau teuluoedd pobl a ddioddfefasant dan y Natsïaid. Ond bu rhai o gefnogwyr y teulu brenhinol yn barod i esgusodi'r tywysog

Ffrae saethu'r adar prin

Yn Hydref 2007, wynebodd Harri gyhuddiadau o saethu dau aderyn prin tra yn Sandringham. Gwelodd dau gerddwr a warden gwarchodfa natur cyfagos ddau foda tinwyn yn cael eu "blastio o'r awyr" ar 24 Hydref, ond oherwydd y coed nid oeddynt yn medru gweld pwy yn union a'u saethodd. Mae bodau tinwyn ymhlith yr adar prinaf ym Mhrydain; dim ond 20 sy'n byw yn Lloegr felly collwyd 10% o stoc bridio'r adar yn y wlad honno. Dywedodd llefarydd ar ran yr RSPB fod yr honiadau gan lygad-dystion mai Harri a'i ffrind a fu'n gyfrifol am y saethu yn "gredadwy". Fodd bynnag, penderfynodd Gwasanaeth Erlyn y Goron beidio â ffurfio cyhuddiadau, penderfyniad sydd wedi cythruddo naturiaethwyr.