Uwch Gynghrair Armenia

Uwch Gynghrair Armenia (Armeneg: IBank Հայաստանի Պրեմիեր Լիգա, a adnabyddir fel Uwch Gynghrair Armenia IBank am resymau nawdd) yw'r brif gystadleuaeth bêl-droed yn Armenia. Rhwng 1936 a 1991, cynhaliwyd y gystadleuaeth fel twrnamaint rhanbarthol o fewn yr Undeb Sofietaidd. Yn dilyn annibyniaeth Armenia, mae Ffederasiwn Pêl-droed Armenia wedi bod yn awdurdod llywodraethu'r gynghrair. Dros y blynyddoedd, mae'r gynghrair wedi datblygu i fod yn gynghrair fechan sy'n cynnwys deg tîm. Sefydlwyd yr Uwch Gynghrair yn 1992. Mae enillydd y gynghrair yn cael lle yn rownd ragbrofol gyntaf Cynghrair Pencampwyr UEFA.

Uwch Gynghrair Armenia

Gwlad	Armenia
Cydffederasiwn	UEFA
Sefydlwyd	1992 (1992)
Nifer o dimau	10
Lefel ar byramid	1
Disgyn i	Armenian First League
Cwpanau	Armenian Cup Armenian Supercup
Cwpanau rhyngwladol	UEFA Champions League UEFA Europa Conference League
Pencampwyr Presennol	Urartu (2nd title) (2022–23)
Mwyaf o bencampwriaethau	Pyunik (15 titles)
Partner teledu	Armenia TV YouTube
Gwefan	premierleague.ffa.am
2023–24

Timau

Mae'r uwch gynghrair yn cynnwys deg tîm. Ar gyfer tymor 2012/13, newidiwyd gweithrediadau gêm i amserlen hydref-gwanwyn sy'n arferol yn Ewrop gan gywnnwys Cymru, wedi cyfnod pan oedd y tymor gael ei chwarae dros y flwyddyn galendr (fel arfer o fis Mawrth i fis Hydref).

Clybiau yng Nghynghrair Uchaf Armenia 2023/24

Roedd 7 o'r 10 tîm yn yr Uwch Gynghrair wedi eu lleoli yn y brifddinas, Yerevan. Dim ond Noah (yn Armavir), Van (yn Charentsavan) a Shirak Gyumri (dinas Gyumri) sydd y tu allan i'r brifddinas. Mae hyn gyda'r nifer dwyaf o brif glybiau o'r brifddinas mewn unrhyw aelod o UEFA - efallai y mwyaf dwys tu hwnt i'r meicro wledydd.

• FC Urartu Yerevan (pencampwr)
• FC Pyunik Yerevan
• FC Ararat-Armenia
• FC Ararat Yerevan
• FC Alashkert Martuni
• BKMA Yerevan
• FC Noah Yerevan
• FA Van
• FC Shirak Gyumri
• FC Gorllewin Armenia (esgynwyd)

Trefn

Mae enillwyr yr Uwch Gynghrair yn cymhwyso ar gyfer Cynghrair y Pencampwyr UEFA. Mae'r timau sy'n ail a thrydydd yn cyrraedd rownd ragbrofol gyntaf Cynghrair Cynhadledd Europa UEFA ('UEFA Europa Conference League'). Mae enillwyr Cwpan Armenia hefyd yn cymryd rhan yno. Os ydyn nhw eisoes wedi cymhwyso ar gyfer cystadleuaeth Ewropeaidd trwy’r gynghrair, mae’r lle hwn yn disgyn i'r tîm sydd bedwerydd yn y gynghrair.

Pencampwyr

Safle	Clwb	Teitl	Tymor
1.	Pyunik Yerevan	15	1992*, 1996, 1997, 2001, 2002, 2003, 2004, 2005, 2006, 2007, 2008, 2009, 2010, 2015, 2022
2.	Shirak Gjumri	4	1992*, 1994, 1999, 2013
	Alashkert Martuni		2016, 2017, 2018, 2021
4.	Araks Ararat	2	1998, 2000
	Urartu Yerevan		2014, 2023
	Ararat-Armenia		2019, 2020
7.	Ararat Yerevan	1	1993
	Yerevan		1997
	Ulisses Yerevan		2011

• noder * Ym 1992 cynhaliwyd y bencampwriaeth mewn dau grŵp. Daeth enillwyr y ddau grŵp yn bencampwyr.
• Nid yw timau mewn italig yn bodoli mwyach

Newid enwau

Cafwyd hanes o newid enwau clybiau mwyaf adnabyddus y wlad. Homenetmen Yerevan yw hen enw Pyunik Yerevan.

• Tsement Ararat yw hen enw Araks Ararat
• Banants yw hen enw Urartu

Noddwyr

• VBET Uwch Gynghrair Armenia (2020-2022)
• Uwch Gynghrair Fastex Armenia (2022-2023)
• Uwch Gynghrair Armenia IBank (2023-presennol)

Dolenni allanol

• Gwefan swyddogol yr Uwch Gynghrair (Armeneg, Rwsieg, Saesneg)
• FIFA.com: Tabl
• RSSSF: Tymhorau pêl-droed Armenia
• ArmFooball.com Archifwyd 2011-11-09 yn y Peiriant Wayback Gwefan pêl-droed Armenia

Eginyn erthygl sydd uchod am Armenia. Gallwch helpu Wicipedia drwy ychwanegu ato.

Eginyn erthygl sydd uchod am bêl-droed. Gallwch helpu Wicipedia drwy ychwanegu ato.