Walter Coffin

Diwydiannwr arloesol a gwleidydd o dde Cymru oedd Walter Coffin (1784 - 15 Chwefror 1867).

Walter Coffin
Walter Coffin
Ganwyd	1784  Pen-y-bont ar Ogwr
Bu farw	15 Chwefror 1867  Llandaf
Dinasyddiaeth	Teyrnas Prydain Fawr, Teyrnas Unedig Prydain Fawr ac Iwerddon
Galwedigaeth	gwleidydd, diwydiannwr
Swydd	Aelod o 16eg Senedd y Deyrnas Unedig
Plaid Wleidyddol	Plaid Ryddfrydol

Ganed Coffin yn 1784 yn Penybont-ar-Ogwr, Sir Forgannwg. Yn 1807 prynodd fferm o'r enw Dinas Rhondda (ar safle pentref Dinas Rhondda heddiw) yng Nghwm Rhondda. Yno yr agorodd y pwll glo dwfn cyntaf yng Nghwm Rhondda, yn 1811, ar lan afon Rhondda gyferbyn â gorsaf trenau Dinas Rhondda heddiw. Glo bitwmen a gloddid.

Yn nes ymlaen yn ei yrfa daeth yn un o gyfarwyddwyr Rheilffordd Dyffryn Taf. Yn 1852 cafodd ei ethol dros y Rhyddfrydwyr yn Aelod Seneddol Caerdydd. Undodiad oedd Coffin, ac ef oedd yr Anghydffurfiwr cyntaf i gael ei ethol yn AS yng Nghymru. Golygai ei fuddugoliaeth ddiwedd ar deyrnasiad gwleidyddol teulu Bute hefyd.

Cyfeiriadau

Senedd y Deyrnas Unedig
Rhagflaenydd: John Iltyd Nicholl	Aelod Seneddol dros Gaerdydd 1852 – 1857	Olynydd: James Crichton-Stuart

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.