Y Cylchoedd (gymnasteg)

Mae'r cylchoedd gymnasteg (defnyddir Rings yn Saesneg) yn gamp sy'n rhan o ddisgyblaeth dynion mewn gymnasteg artistig. Nid yw menywod yn cystadlu ar y cylchoedd. Mae'n galw ar i'r gymnastwr ymgymryd â sawl gwahanol her gan gadw ei gorff mor unionsyth a heb ddirgrynu ac mewn hunanddisgyblaeth â phosib.

Gymnast ar y Cylchoedd

Gymnast yn safle 'Sedd L'

Hanes

Fel sawl camp arall mewn gymnasteg gyfoes datblygwyd y Cylchoedd gan yr Almaenwr, Friedrich Ludwig Jahn ar ddechrau'r 19g Fe'u galwyd yn wreiddiol yn "Rings Rhufeinig" oherwydd eu gwreiddiau yn yr Eidal, sy'n dyddio'n ôl o bosibl dwy fil o flynyddoedd, ond ni wnaeth Jahn, eu cynnwys yn ei raglen i ddechrau. Cyflwynodd Adolf Spieß yr hyn y cyfeiriodd ato fel Ringeschwebel ym 1842 (fe'u disgrifiodd felly yn ei Turnlehre, neu "wers gymnasteg"), a gyflwynwyd yn wreiddiol fel cyfarpar siglo, a elwir y "modrwyau hedfan." Roedd y rhain ar siâp triongl. Yn ddiweddarach, disodlodd modrwyau crwn y fersiwn wreiddiol.

Offer

Bydd galw ar i'r gymnast berfformio rwtîn ar offer 5.75 metr o uchder, sy'n cynnwys dau gylch 18 cm o diamedr yn hongian 2.75m o'r ddaear a 50 cm ar wahân.

Gwneir y Cylchoedd o bren, sydd wedi eu cysylltu wrth ddarn o ledr sydd yn ei dro ynghlwm wrth geblau dur neu â rhaffau. Er mwyn atal y ceblau rhag cael eu troelli a chlymu yn ystod perfformiad neu wrth i'r gymnast ddatgysylltu a llamu oddi arnynt i orffen, mae bwylltidau ("swivels") datgysylltu, fel y'u gelwir, wedi'u gosod rhwng y cylchoedd a'r ceblau. Gellir defnyddio'r cylchoedd ar gyfer gwahanol fathau o symudiadau sylfaenol, megis chwifio’n dawel, chwifio â gwerthiannau, a baglu.

Y Gamp

Denis Ablyazin yn cyflawni'r "planc", 2015

Gymnast yn perfformio'r "Groes Haearn"

Bydd y gamp yn cynnwys sawl rhan a elwir yn "elfennau". Mae eu enwau yn disgrifio y siâp sydd angen dal y corff gyda'r mwyaf posib o sefydlogrwydd. Er enghraifft, mae'r "Haearn" yn galw ar i'r corff fod yn hollol unionsyth yn gyfochrog i'r ddaear ac uwchben lefel y cylchoedd. Er mwyn derbyn sgôr, rhaid i'r elfen bod mewn lle am o leiaf dwy eiliad.

Bydd y rheithgor yn rhoi marc yn seiliedig ar reolaeth o'r elfen, ei her ac choreograffi. Po leiaf o ddirgrynu sydd yn y strwythur sy'n dal y cylchoedd gorau fydd sgôr y gymnast. Yn ychwanegol at hyn, cyfrifir y naid i orffen, ei sadrwydd wrth lasio wrth gyfrifo'r sgôr terfynol.

Ystumiau

Planc am yn ôl

Planc am ymlaen

Croes:

Croes Haearn

Croes Cyffredin

Croes Olympaidd

Croes Azaryan

croes Gwrthdro

Croes Malta

Croes Victoriana

Croes Pen

Sedd L; Sedd V

Haearn

Defnydd Corfforol

Mae'r cylchoedd yn gamp gymnasteg heriol iawn sy'n gwneud defnydd i'r abs, pecs, breichiau yn ogystal â rheolaeth corfforo-feddyliol a chytbwysedd.

Gweler hefyd

• Bar llorweddol
• Barrau cyflin
• Barrau anghyflin
• Y Trawst
• Ceffyl pwmel
• Llofnaid
• Trampolîn
• Tumbling

Dolenni

• 'Guide to Gymnastics - Rings' (fideo)
• Hanes y Cylchoedd (Almaeneg a Saesneg)
• Rheolau'r gamp Archifwyd 2007-09-27 yn y Peiriant Wayback
• Canllawiau'r FIG Archifwyd 2007-03-10 yn y Peiriant Wayback
• Llawlyfr Termau Gymnasteg (a phynciau eraill) Ysgol Penweddig Archifwyd 2021-05-13 yn y Peiriant Wayback

Cyfeiriadau

Eginyn erthygl sydd uchod am chwaraeon. Gallwch helpu Wicipedia drwy ychwanegu ato.