Ysgol Gymraeg Treganna
Ysgol gynradd Gymraeg yn ardal Treganna, Caerdydd yw Ysgol Gymraeg Treganna. Y prifathro presennol yw Rhys G. Harries.[2]
| Ysgol Gymraeg Treganna | |
|---|---|
| |
| Sefydlwyd | 1987 |
| Math | Cynradd, y Wladwriaeth |
| Cyfrwng iaith | Cymraeg |
| Pennaeth | Rhys G. Harries |
| Lleoliad | Sanatorium Road, Treganna, Caerdydd, Cymru, CF11 8DG |
| AALl | Cyngor Caerdydd |
| Disgyblion | 482 (2014)[1] |
| Rhyw | Cyd-addysgol |
| Oedrannau | 4–11 |
| Gwefan | http://www.ysgoltreganna.co.uk/ |
Sefydlwyd yr ysgol ym 1987, a hyd at 2013 rhannai ei safle ag ysgol gynradd Saesneg Radnor Road.[3] Symudodd i'w safle newydd, a adeiladwyd ar gost o oddeutu £9 miliwn, ym mis Medi 2013.[4].
Mae dalgylch yr ysgol (o 2013 ymlaen) yn ymestyn o ardal Lansdowne Gardens yn y de i gaeau Llandaf a Heol Pencisely yn y gogledd, ac o Severn Road a Severn Grove yn y dwyrain i Heol Elái a Rhodfa'r Gorllewin yn y gorllewin. Fe aiff y disgyblion ymlaen i Ysgol Gyfun Gymraeg Plasmawr ym mlwyddyn 7 yn y system addysg.
Yn 2012, deuai 59% o'r disgyblion o gartrefi a oedd â'r Saesneg yn brif iaith, ond siaradai 80% y Gymraeg yn iaith gyntaf neu i safon gyfwerth.[5] Yn 2006, deuai 70% o'r disgyblion o gartrefi a oedd â'r Saesneg yn brif iaith.[3]. Yn 2014 roedd 14.5% o’r disgyblion yn hanu o gefndir ethnig lleiafrifol.[1][dolen farw]
Disgrifiwyd yr ysgol yn adroddiad Estyn 2006 fel 'ysgol dda gyda nifer o nodweddion rhagorol'.[3]. Yn 2012, adroddwyd bod perfformiad presennol yr ysgol a'i rhagolygon gwella yn "dda".[5]
Cyfeiriadau
golygu- ↑ 1.0 1.1 'Fy Ysgol Leol: Ysgol Treganna; gwelwyd 2 Mawrth 2015.
- ↑ School Details: Ysgol Gymraeg Treganna. Cyngor Caerdydd.
- ↑ 3.0 3.1 3.2 Arolygiad dan Adran 10 Deddf Arolygiadau Ysgolion 1996: Ysgol Gymraeg Treganna, 3 Ebrill 2006. ESTYN (24 Mawrth 2012).
- ↑ Golwg360, 'Ysgol Gymraeg yn agor dair blynedd ar ôl ffrae'; gwelwyd 2 Mawrth 2015.
- ↑ 5.0 5.1 Adroddiad ar Ysgol Gymraeg Treganna, Ionawr 2012. ESTYN (24 Mawrth 2012).
Dolenni allanol
golygu- Gwefan Ysgol Gymraeg Treganna Archifwyd 2015-06-25 yn y Peiriant Wayback
