Ysgol y Preseli
Ysgol gyfun gymunedol, ddwyieithog yw Ysgol y Preseli,[2] Fe'i lleolir yng Nghrymych, gogledd Sir Benfro. Yn 2008 dathlodd yr ysgol ei phen-blwydd yn 50 oed. Mr Michael Davies yw'r prifathro presennol.
| Ysgol y Preseli | |
|---|---|
| |
| Arwyddair | Cofia Ddysgu Byw |
| Sefydlwyd | 1958 |
| Math | Cyfun, y Wladwriaeth |
| Cyfrwng iaith | Cymraeg |
| Pennaeth | Mrs Rhonwen Morris |
| Dirprwy Bennaeth | Mrs Carwen Morgan-Davies |
| Cadeirydd | Mr Cerwyn Davies |
| Lleoliad | Crymych, Sir Benfro, Cymru, SA41 3QH |
| AALl | Cyngor Sir Benfro |
| Disgyblion | 958[1] |
| Rhyw | Cyd-addysgol |
| Oedrannau | 11–18 |
| Gwefan | http://www.ysgolypreseli.com |
Daw'r disgyblion i'r ysgol o tua 30 o ysgolion cynradd: tua mil ohonynt, gan gynnwys tua 170 yn y chweched dosbarth; mae hyn yn gynnydd o tua 40% ers arolygiad 1997. Mae mwyafrif y myfyrwyr yn aros ymlaen yn y chweched dosbarth ar ôl cwblhau eu harholiadau TGAU.[2]
Mae pob disgybl yn siarad Cymraeg er mai dim ond 30% o'r disgyblion sydd o gartrefi lle mae'r Gymraeg yn brif iaith y cartref. Addysgir pob pwnc ar wahân i fathemateg a gwyddoniaeth hyd at lefel TGAU drwy gyfrwng y Gymraeg.
Mae theatr, canolfan hamdden, meysydd chwarae, llyfrgell a chanolfan iechyd i'w cael yn yr ysgol, caiff y cyfleusterau eu defnyddio gan y gymuned yn ogystal â'r ysgol ei hun.[2]
Ar 13 Ebrill 2006, fe ddiarddelwyd yr athrawes fathemateg, Helen Bowen o'r ysgol am 'wella' gwaith cwrs TGAU. Diswyddwyd hi'n dilyn cael ei chanfod yn euog o ymddygiad proffesiynol annerbyniadwy gan banel y Cyngor Addysgu Cyffredinol, cafodd ei thrwydded dysgu ei ddiarddel am bedair blynedd.[3]
Yn Hydref 2020, cadarnhaodd y pennaeth Michael Davies ei ymddeoliad, ac o ganlyniad, penodwyd Mrs Rhonwen Morris fel pennaeth, gan ei gwneud hi yn y pennaeth benywaidd cyntaf i'r ysgol ei gael yn ei hanes.[4]
Cyn-ddisgyblion Nodedig
golygu- Gweler hefyd y categori Pobl addysgwyd yn Ysgol y Preseli
- Joe Allen, pêl-droediwr dros Gymru a Lerpwl
- Steffan Evans, comedïwr yn y Gymraeg a Saesneg
- Brian Williams, cyn chwaraewr rygbi'r undeb
- Jane O'Brien, cyflwynydd BBC World News America a gohebydd BBC yn America[5]
Cyfeiriadau
golygu- ↑ Gwefan Cyngor Sir Befro Adalwyd ar 24-07-2009
- ↑ 2.0 2.1 2.2 YR YSGOL A'I BLAENORIAETHAU.
- ↑ Four-year ban for 'cheat' teacher" (17 Gorffennaf 2007).
- ↑ "Penodwyd Pennaeth Newydd yn Ysgol y Preseli". www.sir-benfro.gov.uk. 2020-10-29. Cyrchwyd 2020-10-30.
- ↑ "Y wefr o ddarlledu o'r Tŷ Gwyn i newyddiadurwr o Sir Benfro". BBC Cymru Fyw. 2020-10-20. Cyrchwyd 2020-10-20.
Dolenni allanol
golygu- Gwefan Ysgol y Preseli Archifwyd 2008-08-28 yn y Peiriant Wayback