Afan Ferddig
Bardd Cymraeg cynnar oedd Afan Ferddig (bl. 7g efallai). Ystyr y gair "Berddig" yw "bardd bychan" neu "jester"; ceir cyfeiriad arall at fardd o'r 11g a elwir Berddig, bardd yn llys Gruffudd ap Llywelyn yng Ngwent.[1]
| Afan Ferddig | |
|---|---|
| Ganwyd | 7 g  Cymru |
| Bu farw | 8 g |
| Dinasyddiaeth |  Cymru |
| Galwedigaeth | bardd |
| Blodeuodd | 7 g |
| Cysylltir gyda | Cadwallon ap Cadfan |
| Mae gan Wicidestun destun sy'n berthnasol i'r erthygl hon: |
Tystiolaeth amdano
golyguYchydig sy'n hysbys amdano. Mae rhai ysgolheigion yn credu mai ef yw awdur y gerdd "Moliant Cadwallon". Yn ôl un o Drioedd Ynys Prydain canai Afan i'r brenin Cadwallon ap Cadfan o Wynedd. Mae'n cael ei alw'n un o "Dri bardd coch eu gwaywffyn Ynys Prydain":
Tri Gwaywrudd Beirdd Ynys Prydain:
Tristfardd bardd Urien,
A Dygynnelw bardd Owain ab Urien,
Ac Afan Ferddig bardd Cadwallon mab Cadfan.[2]
Roedd y Gogynfeirdd yn ei barchu fel bardd mawr, e.e. Cynddelw Brydydd Mawr sy'n dweud ei bod yn arferol ganddo ganu yn null Afan Ferddig:
Gnawd canaf i foliant fal Afan Ferddig.[3]
Gweler hefyd
golyguCyfeiriadau
golygu- ↑ berddig. Geiriadur Prifysgol Cymru. Adalwyd ar 26 Ionawr 2023.
- ↑ Trioedd Ynys Prydein, gol. Rachel Bromwich (Caerdydd, 1978)
- ↑ Dyfynnir gan Rachel Bromwich yn Trioedd Ynys Prydein (Caerdydd, 1978). Orgraff ddiweddar.