Agamemnon

Cymeriad ym Mytholeg Roeg yw Agamemnon (Hen Roeg: Ἀγαμέμνων). Mae'n fab i Atreus, brenin Mycenae a'i wraig Aerope, ac yn frawd i Menelaus. Daw yn frenin Mycenae (neu Argos yn ôl rhai fersiynau) ar ôl ei dad, ac mae'n briod a Clytemnestra. Mae'n gymeriad yn yr Iliad gan Homeros.

Agamemnon
Swydd	brenin Mycenae
Tad	Atreus
Mam	Aerope
Priod	Clytemnestra
Partner	Chryseis, Briseis, Cassandra
Plant	Orestes, Iphigenia, Chrysothemis, Electra, Laodice, Iphianassa, Teledamus, Chryses, Pelops, Halaesus, Hyperion

'Masg Agamemnon', a ddarganfuwyd gan Heinrich Schliemann yn 1876 yn Mycenae. Er gwaethaf yr enw, nid oes sicrwydd pwy y maen ei gynrychioli.

Pan mae Paris, sy'n fab i Priam, brenin Caerdroea yn cipio Elen, gwraig Menelaos, a'i dwyn i Gaerdroea, mae Meneloaos yw gofyn cymorth ei frawd Agamemnon, brenin mwyaf nerthol y Groegiaid. Gelwir arwyr y Groegiaid at ei gilydd, yn eu plith Achilles a'i gyfaill Patroclus, yr hynafgwr Nestor, Aiax, Odysseus, Calchas a Diomedes, gydag Agamemnon yn arweinydd arnynt.

Pery Rhyfel Caerdroea am ddeng mlynedd cyn i'r ddinas gael ei chipio a'i dinistrio. Pan ddychwel Agamemnon adref o'r rhyfel, llofruddir ef gan ei wraig, Clytemnestra, a'i chariad Aegisthus, wedi iddo anwybuddu rhybudd ei ordderch Cassandra.

Gallai Agamemnon fod wedi ei seilio ar gymeriad hanesyddol; mae dogfennau Hethaidd yn crybwyll Akagamunaš, rheolwr Ahhiyawa (gwlad yr Acheaid) yn y 14g CC.