Al-Quds Al-Arabi
Papur newydd Arabeg pan-Arabaidd a gyhoeddir yn Llundain ers 1989 yw Al-Quds Al-Arabi (Arabeg: القدس العربی), sef "Jeriwsalem (Al-Quds) Arabaidd"). Mae'r papur yn perthyn i Balesteiniaid alltud, ac fe'i golygir gan Abd al-Bari Atwan a aned mewn gwersyll ffoaduriaid Palesteinaidd yn Llain Gaza yn 1950.
| Enghraifft o'r canlynol | papur newydd  |
|---|---|
| Gwlad | y Deyrnas Unedig |
| Iaith | Arabeg |
| Dechrau/Sefydlu | 1989 |
| Lleoliad cyhoeddi | Llundain |
| Pencadlys | Llundain |
| Gwladwriaeth | y Deyrnas Unedig |
| Gwefan | http://www.alquds.co.uk |
Mae safbwynt golygyddol y papur pan-Arabaidd hwn yn feirniadol iawn o'r rhan fwyaf o'r llywodraethau Arabaidd am eu bod "yn dilyn gorchmynion yr Unol Daleithiau ac Israel", ac mewn canlyniad mae'r papur wedi cael ei sensrio neu ei wahardd o bryd i'w gilydd yn yr Aifft, Gwlad Iorddonen, Sawdi Arabia, a Syria. Mae ganddo gylchrediad o 50,000, ond gellid dadlau fod ei ddylanwad yn uwch yng nghylchoedd deallusol y Byd Arabaidd, yn enwedig yn y Dwyrain Canol, nag y mae'r ffigwr hynny yn awgrymu.
Mae'r apapur yn aelod o'r Arab Press Network, rhwydwaith sy'n hyrwyddo gwasg gryf annibynnol yn y byd Arabaidd.
Dolen allanol golygu
- (Arabeg) Gwefan Al-Quds Al-Arabi