Agor y brif ddewislen

Gwleidydd Cymreig yw Alun Ffred Jones (ganwyd 29 Hydref 1949). Roedd yn Aelod Cynulliad Plaid Cymru dros etholaeth Arfon. Etholwyd i'r Cynulliad Cenedlaethol am y tro cyntaf ym mis Mai 2003. Bu'n Weinidog dros Dreftadaeth yn Llywodraeth Cymru.

Alun Ffred Jones
Alun Ffred Jones


Cyfnod yn y swydd
3 Mai 2003 – 1 Mai 2007

Cyfnod yn y swydd
1 Mai 2007 – 6 Mai 2016
Olynydd Sian Gwenllian

Geni (1949-10-29) 29 Hydref 1949 (70 oed)
Brynaman, Sir Gaerfyrddin
Plaid wleidyddol Plaid Cymru
Alma mater Prifysgol Bangor

CefndirGolygu

Ganed Alun Ffred Jones ym Mrynaman ym 1949.

Mae'n adnabyddus am gyd-ysgrifennu a chyfarwyddo C'mon Midffild!, rhaglen gomedi fwyaf llwyddiannus S4C. Cyn dod yn gyfarwyddwr a chynhyrchydd teledu gyda Ffilmiau'r Nant, Caernarfon, bu'n athro ysgol a phennaeth adran yn y Gymraeg, ac yn newyddiadurwr gyda HTV. Mae'n gyn Arweinydd Cyngor Gwynedd, yn Gadeirydd Antur Nantlle ac yn Gadeirydd Clwb Pêl-droed Dyffryn Nantlle.

Ar 22 Gorffennaf 2008 fe'i penodwyd yn Weinidog Treftadaeth yn Llywodraeth glymblaid Llafur a Phlaid Cymru, Cymru'n Un [1] Ar yr 8 Mai 2014 cyhoeddodd na fyddai yn sefyll am sedd yn y Cynulliad yn yr etholiadau nesaf yn 2016.[2]

Yn gyn-gadeirydd CYFLE a Bwrdd Rheoli TAC, mae ganddo ddiddordeb a gwybodaeth am ddarlledu ac hyfforddi.

Ymysg ei ddiddordebau eraill mae datblygu cymunedol, theatr, chwaraeon a beicio.

Carreg filltir i'r iaith GymraegGolygu

Ar 20 Tachwedd 2008, gwnaeth Alun Ffred Jones hanes drwy ddefnyddio'r Gymraeg mewn cyfarfod o Gyngor Gweinidogion Undeb Ewrop am y tro cyntaf erioed. Siaradodd fel Gweinidog dros Dreftadaeth Cymru yn rhan o ddirprwyaeth y DU i'r cyfarfod. Cyfieithwyd araith y gweinidog mewn canlyniad i gytundeb rhwng llywodraethau Cymru a'r DU ac Undeb Ewrop a gytunwyd yng Ngorffennaf 2008.[3]

Dolen allanolGolygu

CyfeiriadauGolygu

  1. "Alun Ffred Jones is new Heritage Minister". Wales Online. Archifwyd o'r gwreiddiol ar 31 July 2008. Cyrchwyd 2008-07-22.
  2. http://www.bbc.co.uk/newyddion/22462648 Alun fred Jones i ymddeol
  3. BBC Cymru: 'Carreg Filltir i'r iaith' Adroddiad sy'n cynnwys clip fideo o'r digwyddiad.
Cynulliad Cenedlaethol Cymru
Rhagflaenydd:
etholaeth newydd
Aelod Cynulliad dros Gaernarfon
20032007
Olynydd:
dilewyd yr etholaeth
Rhagflaenydd:
etholaeth newydd
Aelod Cynulliad dros Arfon
20072016
Olynydd:
Sian Gwenllian