Attock
Mae Attock (Urdu: اٹک) yn ddinas a leolir ar ffin ogleddol talaith y Punjab, Pacistan, ar lan afon Indus. Hen enw'r ddinas oedd Attock Kurdh. Mae'n gorwedd tua 266m (873 troedfedd) uwch lefel y môr ym mhen coridor naturiol a ffurfir gan afon Kabul lle mae'n llifo i mewn i afon Indus. Poblogaeth y ddinas yw 69,588 (1998) ac mae gan Ardal Attock boblogaeth o 1,274,935 (2006). Mae Attock yn brifddinas ardal Attock.
 | |
| Math | dinas  |
|---|---|
| Poblogaeth | 97,374 |
| Sefydlwyd |
|
| Cylchfa amser | Pakistan Standard Time |
| Daearyddiaeth | |
| Sir | Attock District |
| Gwlad |  Pacistan |
| Uwch y môr | 359 metr |
| Cyfesurynnau | 33.77°N 72.37°E |
| Cod post | 43600 |
 | |
Mae gan Attock hanes hir. Ganwyd y gramadegwr Sanscrit a mathemategydd enwog Panini mewn pentref ger Attock. Yng ngwanwyn 326 CC, daeth Alecsander Fawr, brenin Macedon a chwncwerwr ymerodraeth Persia, i lawr i'r Punjab (yn Ohind, 16 m. o Attock), gan ddefnyddio pont dros afon Indus a godwyd iddo gan ei llyngesydd Perdiccas a'r cadfridog Hephaestion. Yn ddiweddarach daeth Attock yn rhan o deyrnas Roegaidd Ederatides. Arosodd yng ngafael y brenhinoedd Groeg-Indiaidd hyd at tua 80 CC a goresgyniad y Scythiaid.
Ymwelodd y teithiwr Tsieinëaidd Hiuen Tsang â'r ardal yn 630 OC ac eto yn 643, a nododd fod Bwdhaeth yn blodeuo yno. Cyfeirir at Attock fel canolfan Fwdhaidd mewn un o ddatganiadau'r ymerodr o Fwdhydd Ashoka, ŵyr yr ymerawdwr Chandragupta.
Codwyd caer Attock ar graig ger y ddinas gan Akbar Fawr yn 1581-1583.
Dolenni allanol
golygu- Gwefan y ddinas Archifwyd 2007-09-28 yn y Peiriant Wayback