Bae Morecambe
Bae yng ngogledd-orllewin Lloegr yw Bae Morecambe. Mae'n gorwedd ym Môr Iwerddon i'r dwyrain o Ynys Manaw ac ychydig i'r de o Ardal y Llynnoedd yn Cumbria. Mae'n cynnwys yr enghraifft fwyaf o fwd a thywod morol yng ngwledydd Prydain, gyda arwynebedd o 310 km². Yn 1974 darganguwyd y maes nwy ail fwyaf yn y DU yn y bae, 25 milltir i'r gorllewin o Blackpool. Yn ei gyfnod mwyaf cynhyrchiol roedd 15% o gyflenwad nwy gwledydd Prydain yn dod o'r bae ond mae'r cynyrchu wedi mynd i lawr a chaewyd y prif faes yn 2011. Enwir y bae ar ôl tref Morecambe, Swydd Gaerhirfryn.
 | |
| Math | bae  |
|---|---|
| Daearyddiaeth | |
| Gwlad |  Lloegr |
| Cyfesurynnau | 54.105°N 2.975°W |
 | |
Natur
golyguMae Afon Leven, Afon Kent, Afon Keer, Afon Lune ac Afon Wyre yn aberu ym Mae Morecambe. Mae llawer o'r tir ar lan y bae wedi ei adennill o'r môr gan ffurfio corsydd a ddefnyddir at bwrpas amaethyddol. Mae'r bae yn ardal bwysig i fywyd gwyllt hefyd, gyda nifer o adar a chynefinoedd amrywiol. Ceir gwelyau cocos mawr yno yn ogystal, sydd wedi cael eu ffermio gan bobl leol ers canrifoedd.
Trefi
golyguCeir sawl tref a phentref ar lan y bae, yn cynnwys:
- Barrow-in-Furness (Cumbria)
- Morecambe (Swydd Gaerhirfryn)
- Fleetwood (Swydd Gaerhirfryn)
- Ulverston (Cumbria)
- Heysham (Swydd Gaerhirfryn)
- Grange-Over-Sands (Cumbria)
Dolenni allanol
golygu- (Saesneg) Morecambe Bay Partnership, elusen amgylcheddol leol
- (Saesneg) Gwylfa Adar Walney Archifwyd 2009-05-21 yn y Peiriant Wayback, prif wylfa adar y bae
