C'mon Midffîld!

C'mon Midffîld!
Enghraifft o'r canlynol	cyfres deledu
Gwlad	Cymru
Iaith	Cymraeg
Dechreuwyd	18 Tachwedd 1988
Daeth i ben	1994
Cyfarwyddwr	Alun Ffred Jones

Cyfres deledu ddrama a chomedi hynod boblogaidd oedd C'mon Midffîld! Cynhyrchwyd y rhaglen gan Ffilmiau'r Nant a ddarlledwyd gyntaf ar yr 18 Tachwedd 1988 ar S4C.^[1] Darlledwyd chwe chyfres dros gyfnod o chwe mlynedd cyn i'r rhaglen ddod i ben yn 1994. Dechreuodd fel rhaglen ar BBC Radio Cymru, a darlledwyd tair cyfres cyn i C'mon Midffîld! symyd i sgriniau teledu ledled y wlad. Y cyfarwyddwr oedd Alun Ffred Jones a gyd-ysgrifennodd y gyfres â Mei Jones, a chwaraeodd y cymeriad poblogaidd Wali Thomas.

Deng mlynedd wedi i'r gyfres olaf gael ei dangos yn 1994, dilynodd C'mon Midffîld! duedd nifer o raglenni comedi Saesneg fel Only Fools and Horses gan ail-ymddangos am un ffilm arbennig amser Nadolig 1994: C'mon Midffîld a Rasbrijam. Er gwaetha adolygiadau cymysg y ffilm, ystyrir C'mon Midffîld! yn un o'r rhaglenni Cymraeg mwyaf poblogaidd yn hanes S4C, ac mae'r grwp Facebook perthnasol yn brolio dros 2,500 aelod. Nid oes bwriad ar hyn o bryd i ffilmio unrhyw gyfresi pellach ond mae'r gyfres yn cael ei ailddarlledu yn aml ar S4C.

Seiliwyd y rhaglen ar Glwb Pêl-droed Pontrhydfendigaid.^[2]^[3] Yn y gorffennol cynrychiolwyd y clwb penodol gan nifer o gast y rhaglen.

Enillodd y rhaglen wobr 'Y Ddrama Gyfres / Gyfresol Orau' BAFTA Cymru i Mei Jones ac Alun Ffred yn 1992. Enillodd Mei Jones hefyd wobr 'Yr Awdur Gorau Ar Gyfer Y Sgrin - Cymreig' BAFTA Cymru.^[4]

Cymeriadau golygu

Arthur Picton - John Pierce Jones
Tecwyn Parri - Bryn Fôn
Wali Thomas - Mei Jones
George Huws - Llion Williams
Sandra Picton/Huws - Sian Wheldon (Cyfres 1-4); Gwenno Hodgkins (Cyfres 5)
Lydia Thomas - Catrin Dafydd
Harri - Rhys Richards
Graham - Mal Lloyd
Jean Parri - Bethan Gwilym

Penodau golygu

Rhyddhawyd y gyfres mewn set o 10 DVD gan Sain rhwng 2005 ^[1] a 2007.

Cyfres 1 golygu

Y Maes Chwarae (DVD1)
Seren Ddisglair (DVD1)
Lladron y Nos (DVD1)
Traed Moch (DVD1)
Y Trip (DVD2)
Nadolig Bryncoch (DVD 2) new Nadolig Llawen? (video 2) - yr un pennawd?

Cyfres 2 golygu

Cân Di Bennill Fwyn (1 awr, DVD2)
Craig o Arian (DVD2)
Bryn o Briten (DVD3)
Y Gwir yn Erbyn y Byd (DVD3)
Gweld Sêr (DVD3)
Rhyfal Cartra (DVD3)
Match o' Ddy De (DVD4)

Cyfres 3 golygu

Yr Italian Job (DVD4)
Il Lavoro In Italia (DVD4)
Yn Nhŷ Fy Nhad (DVD5)
Tibetans v Mowthwalians (DVD5)

Cyfres 4 golygu

O Mam Bach (DVD5)
Meibion Bryncoch (DVD7)
Trwy Ddirgel Ffyrdd (DVD7)
Fe Gei Di Fynd I'r Bôl (DVD7)
'Eira Mân, Eira Mawr' (DVD8)
Yr Etholedig Rai (DVD8)
Cymorth Hawdd Ei Gael (DVD8)
Yr Alffa A'r Omega (DVD9)

Cyfres 5 golygu

Trwy Gicio A Brathu (DVD9)
Henaint Ni Ddaw Ei Hunan (DVD9)
Elen Fwyn, Elen Fwyn (DVD10)
Mi Af I Briodas Yfory (DVD10)
Y Cocyn Hitio (DVD10)
Dechrau'r Diwedd (DVD10)

Rhaglenni/Ffilmiau Unigol golygu

Midffîld - Y Mwfi (DVD6)
C'mon Midffîld a Rasbrijam (DVD11)
Doli Bryncoch

Cyfeiriadau golygu

[archifsain-1] 1.0 ^1.1 C'Mon Midffild? This is a friend Archifwyd 2007-06-09 yn y Peiriant Wayback. Archif Genedlaethol Sgrin a Sain Cymru

[2] 'Clwb pêl-droed yn dathlu 60' BBC 11 Mehefin 2007

[3] 'Dathlu 60 mlynedd o glwb Y Bont'^{[dolen marw]} BBC 22 Gorffennaf 2007

[4] Enillwyr gwobrau ar wefan Ffilmiau'r Nant^{[dolen marw]}

[1]

[2]

[3]

[4]