Douglas (Ynys Manaw)

Douglas (Manaweg: Doolish) yw prifddinas Ynys Manaw a'i dref fwyaf gyda phoblogaeth o 27,938 (2011), traean o boblogaeth yr ynys. Douglas yw prif ganolfan yr ynys am fasnach, cludiant, siopa ac adloniant. Yno hefyd y lleolir llywodraeth Ynys Manaw a'r rhan fwyaf o sesiynau'r Tynwald.

Douglas

Math	dinas, dosbarth ar Ynys Manaw
Poblogaeth	27,938
Sefydlwyd	1670
Gefeilldref/i	Ballymoney
Daearyddiaeth
Sir	Middle
Gwlad
Cyfesurynnau	54.15°N 4.4775°W
Cod OS	SC379750
Cod post	IM1 / IM2
Ffeiliau perthnasol ar Comin

Lleolir Douglas ar ochr ddwyreiniol yr ynys ger aber Afon Dhoo ac Afon Glass, gan roi iddi ei henw. Mae'r afonydd unedig yn llifo i Fae Douglas ar ôl llifo trwy'r dref. Gorwedd bryniau isel i'r gogledd-orllewin a'r de-ddwyrain gyda dyffryn rhyngddynt.

Amgylchynir y dref gan sawl tref a phentref llai, yn enwedig Onchan i'r gogledd (sydd fel estyniad o Douglas erbyn heddiw) ac Union Mills i'r gorllewin.

Mae Douglas yn enwog fel canolfan rasys beic modur y TT.

Cysylltir Douglas gan wasanaethau fferi â Lerpwl a Dulyn. Ar un adeg bu gwasanaeth fferi tymhorol yn rhedeg rhwng Douglas a Llandudno, gogledd Cymru, ond ers rhai blynyddoedd mae wedi darfod fel gwasanaeth rheolaidd.

Adeiladau a chofadeiladau

• Amgueddfa Ynys Manaw
• Camera obscura
• Theatr Gaiety
• Villa Marina

Enwogion

• Robin Gibb (g. 1949) a Maurice Gibb (1949-2003), cerddorion

Dolenni allanol

• Cyngor Bwrdeistref Douglas Archifwyd 2006-12-05 yn y Peiriant Wayback