Emyr Llywelyn
Ymgyrchwr gwleidyddol o Gymru yw Emyr Llywelyn (ganwyd 26 Chwefror 1941),[1] a oedd yn weithgar yn ystod y 1960au a'r 1970au, sefydlwyd Mudiad Adfer ar sail ei athroniaeth ef, Owain Owain a'r Athro J. R. Jones. Mae'n cael ei adnabod hefyd gan ei lysenw Emyr Llew. Mae'n fab i'r nofelydd a'r bardd T. Llew Jones, ac yn frawd i'r chwaraewr gwyddbwyll rhyngwladol Iolo Ceredig Jones.
| Emyr Llywelyn | |
|---|---|
 | |
| Ganwyd | 1941  |
| Dinasyddiaeth |  Cymru |
| Alma mater | |
| Galwedigaeth | llenor |
| Tad | T. Llew Jones |
Fe'i ganed yn 1941 yn Sir Aberteifi. Cafodd ei addysg yn Ysgol Gynradd Coed-y-bryn, Ysgol Ramadeg Llandysul, a Phrifysgol Cymru, Aberystwyth.
Mae'n un o sefydlwyr a golygyddion y misolyn Cymraeg Y Faner Newydd.
Fe'i carcharwyd yn 1963 am wneud difrod i safle adeiladu argae Tryweryn; dedfryd o 12 mis o garchar.[2][3][4] Cyhoeddodd ar unwaith na fyddai'n defnyddio trais eto. Tra'n Gadeirydd Cymdeithas yr Iaith sicrhaodd fod y Gymdeithas yn mabwysiadu polisi di-drais.
Bu'n gweithio fel athro Cymraeg am sawl degawd, ym Mhort Talbot ac Aberaeron, ac mae'n byw yn Ffostrasol, Ceredigion erbyn hyn.
Llyfryddiaeth
golygu- Adfer a'r Fro Gymraeg (Lerpwl a Phontypridd: Cyhoediadau Modern Cymreig, 1976)
- Llwybrau Llên (Y Lolfa, 2005)
- Cyfres Ti'n Jocan: Hiwmor y Cardi (Y Lolfa, 2006)
- Themâu ein Llên: Blas ar Themâu ein Llenorion (Y Lolfa:2007)
Cyfeiriadau
golygu- ↑ (Saesneg) Manylion cyfarwyddwr Cymdeithas Y Faner Newydd - Ty'r Cwmnniau. Adalwyd ar 3 Mawrth 2016.
- ↑ Tryweryn. Llyfrgell Genedlaethol Cymru.
- ↑ Boddi cwm yn newid hanes?. BBC (12 Chwefror 2003).
- ↑ E. Wyn James (2005 Annual). Painting the world green: Dafydd Iwan and the Welsh protest ballad. Folk Music Journal.